– Ótken jyly oblystyń densaýlyq saqtaý salasyna 26 mlrd teńge salyndy, onyń 3,3 mlrd teńgesi jabdyq satyp alýǵa, 0,7 mlrd teńgesi mamandardy oqytýǵa, 15,7 mlrd teńgesi obektilerdi salýǵa jumsaldy.
Aldaǵy ýaqytta 2025 jylǵa deiin 5,6 mlrd teńgege meditsinalyq jabdyqtar, onyń ishinde aýdandyq aýrýhanalar úshin 3 mlrd teńgege 6 kompiýterlik tomograf satyp alý josparlanýda.
Sonymen qatar, biyl onkologiialyq aýrýlardy erte diagnostikalaý maqsatynda kópsalaly onkologiia jáne hirýrgiia ortalyǵynda ǵimaratty jańǵyrtý jáne 5,2 mlrd teńgege PET-KT ornatý júrgiziledi, – dedi ShQO ákimi Danial Ahmetov baspasóz máslihatynda.
Sondai-aq, oblysta biregei gematologiia ortalyǵynyń qurylysy jalǵasýda, 140 tósektik statsionary bar aýrýhana kesheni jáne Ridder qalasynda aýysymda 500 adam qabyldaityn emhana qurylysy bastaldy. Ulan aýdany Qasym Qaisenov kentinde 150 adam qabyldaityn emhana salý máselesi sheshildi.
– Aýyldyq jerdegi densaýlyq saqtaý salasyn jańǵyrtý aiasynda 7,9 mlrd teńgege 36 meditsinalyq nysan salý josparlanǵan. Jyl sońyna deiin 16 meditsinalyq uiymda 3,2 mlrd teńgege kúrdeli jóndeý júrgizý josparlanýda, – dep túsindirdi óńir basshysy.
Sonymen qatar, oblystyń densaýlyq saqtaý salasyna investitsiia salý joǵary tehnologiialyq meditsinalyq kómekti arttyrýǵa múmkindik berdi. Oblystyń 7 meditsinalyq uiymy joǵary tehnologiialyq qyzmetterdiń 33 túrin kórsetedi, bul respýblika boiynsha JTMK jalpysanynyń 42%-dy quraidy. Jyl sońyna deiin taǵy 17 túrin engizý josparlanýda.
– Kórsetilgen joǵary tehnologiialyq meditsinalyq kómektiń jalpy sany 5 jylda 5 esege, al 2023 jyldyń basynan bastap 2 esege ósti. Sonymen qatar, ótken jyly mamandandyrylǵan meditsinalyq kómektiń 2610 túri kórsetildi. Jyl ishinde JMK-nyń 689 túri qosymsha engizildi, – dep atap ótti ShQO ákimi.
Óz kezeginde Danial Ahmetov densaýlyq saqtaýdyń damý qarqyny tek JTÓM-ge ǵana emes, sonymen qatar meditsina qyzmetkerleriniń sapaly kásibi ósýin talap etetinin aitty.
– Biz bul máselemen belsendi ainalysýdy jalǵastyrýdamyz. Ótken jyly Izrail, Resei jáne Germaniianyń jetekshi sheteldik klinikalarynda gematologiia, neirohirýrgiia, kardiologiia, ana men bala máseleleri boiynsha oblystyń 36 meditsina qyzmetkeri bilim alyp, biliktiligin arttyrdy. Aǵymdaǵy jyly Izrail, Latviia, Germaniia jáne Resei klinikalarynda 445 mln teńgege 27 dárigerdi oqytý josparlanǵan. 2017 jyldan bastap oblystyń Sheteldegi 210 mamany óz biliktiligin arttyrdy, – dedi oblys ákimi.
Aita keteiik, ótkiziletin is-sharalar men oblystyń meditsinalyq uiymdaryn joǵary tehnologiialyq jabdyqtarmen jaraqtandyrý nátijesinde 2022 jyly ana óliminiń 87,6%-ǵa, qan ainalymy júiesiniń aýrýlarynan 30%-ǵa, qaterli isikterden 7%-ǵa jáne týberkýlezben syrqattanýshylyqtan 13%-ǵa tómendeýi baiqaldy.
