Aǵymdaǵy jyl óńir ekonomikasynyń qalpyna keltirý jyly boldy. Áleýmettik oqshaýlaý sharalarynyń álsireýi jáne syrtqy jaǵdailardyń jaqsarýy ekonomikanyń naqty sektory ósýiniń negizgi faktorlary bolyp tabylady. Bul jerde birinshi kezekte azamattar men bizneske memleket kórsetetin aýqymdy jáne jedel kómekti atap ótý qajet.
– 2022 jylǵa deiin «Biznestiń jol kartasy», «Qarapaiym zattar ekonomikasy» baǵdarlamalaryn uzartqan Prezident bastamasynyń arqasynda oblys kásiporyndary jobalardy sýbsidiialaý jáne kepildendirý boiynsha 4,6 mlrd teńgege qosymsha qoldaý aldy, – dedi Danial Ahmetov.
Búgingi tańda «BJK 2025» boiynsha (2010 jyldan bastap) 3 myńnan astam joba sýbsidiialandy, 1,5 myń joba kepildendirildi, 384 joba granttyq qarjylandyrýdy aldy. Bul maqsatqa 255 mlrd teńge bólingen bolatyn.
Tek «Aq Niet» jeńildetilgen nesielendirýdiń óńirlik baǵdarlamasyn iske asyrý sheńberinde 8,8 mlrd teńgege 513 joba qarjylandyryldy.
«Qarapaiym zattar ekonomikasy» baǵdarlamasy boiynsha import almastyrýshy óndiristerdi keńeitý úshin 45 mlrd.teńgege 272 joba qarjylyq qoldaý aldy, 43 mlrd. teńgege 206 joba sýbsidiialandy.
Sonymen qatar, kásipkerlikti qoldaý Kartasy aiasynda 1,2 trln teńgege 93 jobanyń 59-y iske asyryldy. aǵymdaǵy jyly 66 mlrd.teńgege 11 joba aiaqtalady, 2025 jylǵa qarai 1 trln. teńgege taǵy 23 jobany iske asyrý josparlanǵan.
– Eksportqa baǵdarlanǵan óndiristerdi damytýdyń mysaly retinde qýattylyǵy 200 tonna ýran bolatyn AES úshin jylý bóletin quramalar shyǵaratyn zaýytty iske qosýdy aitýǵa bolady. Jobanyń quny – 27,4 mlrd teńge. Kásiporyn qazirgi ýaqytta qajetti sertifikattaýdy júrgizýde jáne aǵymdaǵy jyldyń qarasha aiynyń sońyna qarai alǵashqy synamaly ónim shyǵarýdy josparlap otyr. Aldaǵy ýaqytta daiyn ónim tolyq kólemde QHR-ǵa eksporttalatyn bolady, bul eksport kólemin 120,8 mlrd teńgege arttyrýǵa múmkindik beredi, – dep habarlady ShQO ákimi Danial Ahmetov.
Sondai-aq, quny 396,0 mlrd teńge bolatyn qaita óńdeý qýatyn jylyna 25 mln tonnadan 50 mln tonnaǵa deiin arttyrýǵa baǵyttalǵan Kaz Minerals Aktogay Aqtoǵai keń baiytý kombinatyn keńeitý jobasy paidalanýǵa berildi. Birinshi ken aǵymdaǵy jyldyń jeltoqsan aiynda qaita óńdeledi dep kútilýde.
