Biyl Shymkent qalasynda 25 myń bala mektep tabaldyryǵyn attaidy
Bul týraly Shymkent qalalyq Bilim basqarmasynyń basshysy Janat Tájieva málim etti. Osyǵan orai ótken baspasóz májilisinde Janat Arysbekqyzy jańa oqý jylynyń bastalýy týraly sóz qozǵady.
– Biylǵy oqý jylynda qalada bilim berý uiymdary 17-ge artyp, 785 mekemede 350 myńǵa jýyq bilim alýshymen bastalǵaly otyr. Onyń ishinde 1-synypqa 25 005 bala qabyldandy.Mektep tabaldyryǵyn attaǵan bul búldirshinderge «Álippe» oqýlyǵy tabystalady.
Osy oraida alǵashqy qońyraý merekesi mektep aýlasynda ótedi. Al oqýshylar jańa oqý jylyn dástúrli formatta bastaidy.
Bul rette mektep formasyna qoiylatyn talaptar saqtalady. Biraq bilim ordasyna klassikalyq stildegi yńǵaily kiimmen kelýge de ruqsat etiledi. Aita ketetin jait, biyl mektep formasy úshin bir rettik qarjylai kómek 30 000 teńge kóleminde 57 466 balaǵa berildi, – dedi basqarma basshysy.
Brifingte belgili bolǵandai, qaladaǵy bilim uiymdarynda kúndelikti termometriia, kvartstaý, jeldetý, dezinfektsiia jáne betperde rejimi saqtalady. Al barlyq bilim uiymynda «Ashyq» jobasy tolyq qosylǵan. Osy oraida pedagogter men tehnikalyq personaldar 100% (meditsinalyq qarsy kórsetilimderi bar adamdardy qospaǵanda) vaktsina alǵan.
Spikerdiń sózinshe, bilim alýshy aýyrǵan jaǵdaida synyp qashyqtyqtan oqytýǵa jiberilmek. Naýqas jáne bailanysta bolǵan ata-analar jaǵdaiynda balalar qashyqtyqtan bilim alady. Sondai-aq, «bir synyp – bir kabinet» talaptary saqtalady.
Sonymen qatar, Shymkent qalasynyń mektepterindegi jalpy kompiýter sany – 56 746 dana. Qazirgi tańda qala boiynsha mektepterde orta eseppen 1 kompiýterge keletin oqýshy sany 4-ti quraidy. Al búginde beinebaqylaý, týrniket jáne dabyl batyrmalaryn ornatý jumystary júrgizilýde.
Aita keteiik, úshinshi megapoliste 2021-2022 oqý jylynda mektepterdi jańa modifikatsiialanǵan jabdyqtarmen qamtamasyz etý maqsatynda 263 kabinet, 178 interaktivti taqta (50-fizika, 95-himiia, 82-biologiia, 13-STEM, 23-robototehnika kabinetterin) ornatý jumystary júrgizilýde. Nátijesinde, jańa modifikatsiialanǵan jabdyqtarmen qamtylǵan pán kabinetter úlesi 62,5 paiyzdy quramaq.
