Biyl Shyǵysta jol jóndeýge 2 ese kóp qarjy jumsalady
2018 jyly aimaqta 120 shaqyrym oblysaralyq joldardy jóndeý josparlanyp otyr. Jóndeý jumystary Semei - Qaraýyl, Borodýliha - Shemonaiha, Maqanshy - Jalańashkól baǵyttary boiynsha jalǵasady.
Aýdandyq mańyzdaǵy jáne aýyldardaǵy kóshe-jol jelileri de nazardan tys qalmaq emes. Bul sanattyń 88 shaqyrymy jóndelmek. Al Óskemende – 25, Semeide - 35, Ridder men Aiagózdi, Jarma jáne Shemonaiha aýdandaryn qosqanda taǵy 28 shaqyrym aýmaqty jańartý jumysy tur.
Sondai-aq, shekara mańy aimaqtaryn jáne rekreatsiialyq aýdandy damytý maqsatynda Marqakól kóliniń mańyndaǵy uzyndyǵy 3,8 shaqyrymdy quraityn «Terekti - Uryńqai - Tósqaiyń» baǵytyn qaita qalpyna keltirý jumystary júrgizilýde.
Oblys ákimi Danial Ahmetovtiń aitýynsha, joldardy jóndeý men qaita qurýǵa baǵyttalǵan jumys kólemin eki esege ulǵaitý aimaqaralyq mobildilikti arttyrady.
– Oblys aýmaǵyndaǵy joldardy jóndep, qaita qalpyna keltirý arqyly aimaqaralyq mobildilikti arttyramyz. Biyl bul jumystarǵa ótken jylmen salystyrǵanda eki ese kóp qarjy bólindi, iaǵni, ishki jáne syrtqy resýrs kózderinen 82,3 mlrd. teńge qarjy quiylady, – dedi Danial Ahmetov ákimdiktiń kezekti jiynynda. – Oblystyq jolaýshylar kóligi jáne avtokólik joldary basqarmasyna jaǵdaiy jaqsy joldardyń deńgeiin 70-85% deiin jetkizýdi tapsyramyn.
Ótkendi sholsaq, byltyr óńirdiń 86 shaqyrym jolyna ortasha jóndeý júrgizildi. Alakól, «Altai Alpi» demalys bazasy, Abai aýdanynyń Jidebai mekeni, Kúrshimge deiingi parom ótkelinen Borodýliha-Shemonaiha baǵytyndaǵy joldar qamtyldy. Tizimde Zyrian, Zaisan jáne Úrjar aýdandary da bar. Óskemen men Semeidiń, budan bólek birqatar eldi-mekenniń ishki kósheleriniń basym bóligi jóndeldi.
Sondai-aq, Elbasy Joldaýyn júzege asyrý maqsatynda oblystyq jáne aýdandyq mańyzdaǵy joldardy jóndeýge qosymsha qarjy kózin tartý úshin QR Investitsiialar jáne damý ministrligimen kelissózder júrgizilýde.
https://dalanews.kz/34304
