2018 جىلى ايماقتا 120 شاقىرىم وبلىسارالىق جولداردى جوندەۋ جوسپارلانىپ وتىر. جوندەۋ جۇمىستارى سەمەي - قاراۋىل، بورودۋليحا - شەمونايحا، ماقانشى - جالاڭاشكول باعىتتارى بويىنشا جالعاسادى.
اۋداندىق ماڭىزداعى جانە اۋىلدارداعى كوشە-جول جەلىلەرى دە نازاردان تىس قالماق ەمەس. بۇل ساناتتىڭ 88 شاقىرىمى جوندەلمەك. ال وسكەمەندە – 25، سەمەيدە - 35، ريددەر مەن اياگوزدى، جارما جانە شەمونايحا اۋداندارىن قوسقاندا تاعى 28 شاقىرىم اۋماقتى جاڭارتۋ جۇمىسى تۇر.
سونداي-اق، شەكارا ماڭى ايماقتارىن جانە رەكرەاسيالىق اۋداندى دامىتۋ ماقساتىندا مارقاكول كولىنىڭ ماڭىنداعى ۇزىندىعى 3،8 شاقىرىمدى قۇرايتىن «تەرەكتى - ۇرىڭقاي - ءتوسقايىڭ» باعىتىن قايتا قالپىنا كەلتىرۋ جۇمىستارى جۇرگىزىلۋدە.
وبلىس اكىمى دانيال احمەتوۆتىڭ ايتۋىنشا، جولداردى جوندەۋ مەن قايتا قۇرۋعا باعىتتالعان جۇمىس كولەمىن ەكى ەسەگە ۇلعايتۋ ايماقارالىق موبيلدىلىكتى ارتتىرادى.
– وبلىس اۋماعىنداعى جولداردى جوندەپ، قايتا قالپىنا كەلتىرۋ ارقىلى ايماقارالىق موبيلدىلىكتى ارتتىرامىز. بيىل بۇل جۇمىستارعا وتكەن جىلمەن سالىستىرعاندا ەكى ەسە كوپ قارجى ءبولىندى، ياعني، ىشكى جانە سىرتقى رەسۋرس كوزدەرىنەن 82،3 ملرد. تەڭگە قارجى قۇيىلادى، – دەدى دانيال احمەتوۆ اكىمدىكتىڭ كەزەكتى جيىنىندا. – وبلىستىق جولاۋشىلار كولىگى جانە اۆتوكولىك جولدارى باسقارماسىنا جاعدايى جاقسى جولداردىڭ دەڭگەيىن 70-85% دەيىن جەتكىزۋدى تاپسىرامىن.
وتكەندى شولساق، بىلتىر ءوڭىردىڭ 86 شاقىرىم جولىنا ورتاشا جوندەۋ جۇرگىزىلدى. الاكول، «التاي ءالپى» دەمالىس بازاسى، اباي اۋدانىنىڭ جيدەباي مەكەنى، كۇرشىمگە دەيىنگى پاروم وتكەلىنەن بورودۋليحا-شەمونايحا باعىتىنداعى جولدار قامتىلدى. تىزىمدە زىريان، زايسان جانە ءۇرجار اۋداندارى دا بار. وسكەمەن مەن سەمەيدىڭ، بۇدان بولەك ءبىرقاتار ەلدى-مەكەننىڭ ىشكى كوشەلەرىنىڭ باسىم بولىگى جوندەلدى.
سونداي-اق، ەلباسى جولداۋىن جۇزەگە اسىرۋ ماقساتىندا وبلىستىق جانە اۋداندىق ماڭىزداعى جولداردى جوندەۋگە قوسىمشا قارجى كوزىن تارتۋ ءۇشىن ق ر ينۆەستيسيالار جانە دامۋ مينيسترلىگىمەن كەلىسسوزدەر جۇرگىزىلۋدە.
https://dalanews.kz/34304
