Baspasóz konferentsiiasynda Dene shynyqtyrý jáne sport basqarmasynyń basshysy Dosjan Ýalhanovtyń aitýynsha, byltyr sportpen ainalysqan adamdar sany 427 myńǵa deiin artqan.
Óńirde sportty janyna serik etip, salaýatty ómir saltyn ustanǵan adamdar úshin túrli sport nysandary salynýda. Búginde oblys boiynsha barlyǵy 3 myńnan astam sport kesheni bar.
– Qazirgi tańda úsh sport nysanynyń qurylysy júrgizilýde. Atap aitsaq, Katonqaraǵai aýyly men Shemonaiha qalasynda eki dene shynyqtyrý-saýyqtyrý kesheni jáne Maqanshy aýylynda bir sport modýli salynýda. Biyl Marqakól, Aqsýat, Qainar, Borodýliha, Samar, Bozanbai, Úlken Naryn aýyldarynda jáne Serebriansk qalasynda on shynyqtyrý-saýyqtyrý qurylysyn bastaý josparlanýda, – dedi Dosjan Ýalhanov.
