Bıyl shegirtkemen kúreske 7,1 mlrd teńge bólindi, dep habarlaıdy Dalanews.kz.
Aýyl sharýashylyǵy mınıstri Aıdarbek Saparovtyń sózinshe, bıyl shegirtkelerdiń taralýy 2,1 mln gektar aýmaqty qamtıdy, bul ótken jylmen salystyrǵanda 1 mln gektarǵa az. Zıankestermen kúresýge respýblıkalyq búdjetten 7,1 mlrd teńge bólindi.
«Jumysqa 443 birlik búrikkish tehnıkasy men 4 625 maman jumyldyryldy. 12 mamyrdaǵy jaǵdaı boıynsha Jambyl jáne Túrkistan oblystarynda shegirtke zıankesteri dernásilderiniń taralýy baıqalady», - dedi mınıstr.
Osy rette Úkimet basshysy Túrkistan men Jambyl oblystarynda shegirtkege qarsy kúres sharalaryn kúsheıtýdi tapsyrdy.
