Qarjy naryǵyn retteý jáne damytý agenttigi 2025 jylǵy tamyzdaǵy jaǵdai boiynsha saqtandyrý naryǵyndaǵy kórsetkishterdi usyndy. 2025 jylǵy tamyzdyń qorytyndysy boiynsha, saqtandyrý (qaita saqtandyrý) uiymdarynyń aktivteri 2,9%-ǵa 3,7 trln teńgege ulǵaidy (2025 jyldyń basynan beri 17,8%-ǵa ósý), ol negizinen saqtandyrý qyzmeti jáne baǵaly qaǵazdarǵa investitsiialar boiynsha kiristerdiń ósýi nátijesinde boldy, dep habarlaidy Dalanews.kz.
2025 jylǵy 1 qyrkúiekte aktivter qurylymynda eń kóp úles baǵaly qaǵazdarǵa tiesili boldy: 73,1% nemese 2,7 trln teńge, ekinshi deńgeidegi bankterdegi aqshalai qarajat pen salymdar úlesi 6,9% (254 mlrd teńge) bolsa, saqtandyrý debitorlyq bereshek 4,6%-dy (169 mlrd teńge) qurady.
Saqtandyrý (qaita saqtandyrý) uiymdarynyń mindettemeleri 2025 jylǵy tamyzda 2,6%-ǵa, iaǵni 2,6 trln teńgege deiin ulǵaidy (2025 jyldyń basynan beri 19,2%-ǵa ósý).
Saqtandyrý (qaita saqtandyrý) uiymdarynyń menshikti kapitaly 2025 jylǵy tamyz boiynsha esepti kezeńdegi bólinbegen paidanyń ósýi nátijesinde 3,7%-ǵa nemese 1,1 trln teńgege deiin ulǵaidy (2025 jyldyń basynan beri 14,4%-ǵa ósý).
2025 jylǵy tamyzda saqtandyrý naryǵy boiynsha taza paida 33,5 mlrd teńgeni qurady (2025 jyldyń basynan bastap – 188,6 mlrd teńge).
2025 jyldyń basynan bastap jeke jáne zańdy tulǵalar boiynsha jasalǵan saqtandyrý sharttarynyń sany 17,2 mln shartty qurady, bul 2024 jyldyń uqsas aiymen salystyrǵanda 16,2%-ǵa kóp. Negizgi ósim ómirdi saqtandyrý boiynsha sharttarǵa tiesili (107,9%).
2025 jylǵy tamyzda saqtandyrý (qaita saqtandyrý) sharttary boiynsha qabyldanǵan saqtandyrý syilyqaqylary 146,3 mlrd teńgeni qurady. 2025 jyldyń basynan beri saqtandyrý syilyqaqylary 1,1 trln teńgeni qurady, bul 2024 jyldyń uqsas kezeńimen salystyrǵanda 14,9%-ǵa kóp.
Saqtandyrý syilyqaqylarynyń ósýiniń negizgi draiveri erikti múliktik saqtandyrý synyby bolyp tabylady, olar boiynsha saqtandyrý syilyqaqylarynyń kólemi 2025 jylǵy tamyzda 47,4 mlrd teńgeni, 2025 jyldyń basynan beri 387,9 mlrd teńgeni qurady, bul ótken jyldyń uqsas kezeńimen salystyrǵanda 19,1%-ǵa kóp. Ósý, negizinen, ózge de qarjylyq shyǵyndardan saqtandyrý boiynsha jinalǵan syilyqaqylar somasynyń 91,0%-ǵa jáne múlikti ziiannan saqtandyrý boiynsha 14,7%-ǵa ulǵaiýyna bailanysty.
Erikti jeke saqtandyrý boiynsha saqtandyrý syilyqaqylarynyń kólemi 2025 jylǵy tamyzda 73,4 mlrd teńgeni, 2025 jyldyń basynan beri 542,2 mlrd teńgeni qurady, bul ótken jyldyń uqsas kezeńimen salystyrǵanda 15,2%-ǵa kóp. Ósý, negizinen, zeinetaqy annýitettik saqtandyrý boiynsha syilyqaqylardyń 10,9%-ǵa 227,5 mlrd teńgege deiin jáne ómirdi saqtandyrý boiynsha 19,3%-ǵa 160,3 mlrd teńgege deiin ulǵaiýyna bailanysty.
Mindetti saqtandyrý boiynsha 2025 jylǵy tamyzda 25,5 mlrd teńge, jyl basynan 180,1 mlrd teńge somaǵa saqtandyrý syilyqaqylary jinaldy, bul ótken jyldyń uqsas kezeńimen salystyrǵanda 5,9%-ǵa kóp. Ulǵaiý, negizinen, kólik quraldary ieleriniń azamattyq-quqyqtyq jaýapkershiligin 19,3%-ǵa 68,4 mlrd teńgege deiin mindetti saqtandyrý boiynsha oryn aldy.
Saqtandyrý tólemderi 2025 jylǵy tamyzda 37,0 mlrd teńgeni (130,8 myń tólem boiynsha) qurady. 2025 jyldyń basynan beri saqtandyrý tólemderi 282,0 mlrd teńgeni qurady, bul ótken jyldyń uqsas kezeńimen salystyrǵanda 39,0%-ǵa kóp. Ósý, negizinen, 59,7%-ǵa 92,0 mlrd teńgege deiin erikti múliktik saqtandyrý boiynsha saqtandyrý tólemderiniń ulǵaiýyna bailanysty.
2025 jylǵy 1 qyrkúiektegi jaǵdai boiynsha, elimizdiń saqtandyrý sektorynda 25 saqtandyrý uiymy bar, onyń 10-y ómirdi saqtandyrý salasyn qamtidy.
Buǵan deiin baǵaly qaǵazdar naryǵy boiynsha statistikany jariialaǵan bolatynbyz. 2025 jylǵy 1 qyrkúiektegi jaǵdai boiynsha, aktsiialar naryǵyn kapitaldandyrý 39,6 trln teńgeni qurap (2025 jyldyń basynan bastap 20,4%-ǵa ósti) tamyzda 5,1%-ǵa ósti.
