قارجى نارىعىن رەتتەۋ جانە دامىتۋ اگەنتتىگى 2025 جىلعى تامىزداعى جاعداي بويىنشا ساقتاندىرۋ نارىعىنداعى كورسەتكىشتەردى ۇسىندى. 2025 جىلعى تامىزدىڭ قورىتىندىسى بويىنشا، ساقتاندىرۋ (قايتا ساقتاندىرۋ) ۇيىمدارىنىڭ اكتيۆتەرى 2،9%-عا 3،7 ترلن تەڭگەگە ۇلعايدى (2025 جىلدىڭ باسىنان بەرى 17،8%-عا ءوسۋ)، ول نەگىزىنەن ساقتاندىرۋ قىزمەتى جانە باعالى قاعازدارعا ينۆەستيسيالار بويىنشا كىرىستەردىڭ ءوسۋى ناتيجەسىندە بولدى، دەپ حابارلايدى Dalanews.kz.
2025 جىلعى 1 قىركۇيەكتە اكتيۆتەر قۇرىلىمىندا ەڭ كوپ ۇلەس باعالى قاعازدارعا تيەسىلى بولدى: 73،1% نەمەسە 2،7 ترلن تەڭگە، ەكىنشى دەڭگەيدەگى بانكتەردەگى اقشالاي قاراجات پەن سالىمدار ۇلەسى 6،9% (254 ملرد تەڭگە) بولسا، ساقتاندىرۋ دەبيتورلىق بەرەشەك 4،6%-دى (169 ملرد تەڭگە) قۇرادى.
ساقتاندىرۋ (قايتا ساقتاندىرۋ) ۇيىمدارىنىڭ مىندەتتەمەلەرى 2025 جىلعى تامىزدا 2،6%-عا، ياعني 2،6 ترلن تەڭگەگە دەيىن ۇلعايدى (2025 جىلدىڭ باسىنان بەرى 19،2%-عا ءوسۋ).
ساقتاندىرۋ (قايتا ساقتاندىرۋ) ۇيىمدارىنىڭ مەنشىكتى كاپيتالى 2025 جىلعى تامىز بويىنشا ەسەپتى كەزەڭدەگى بولىنبەگەن پايدانىڭ ءوسۋى ناتيجەسىندە 3،7%-عا نەمەسە 1،1 ترلن تەڭگەگە دەيىن ۇلعايدى (2025 جىلدىڭ باسىنان بەرى 14،4%-عا ءوسۋ).
2025 جىلعى تامىزدا ساقتاندىرۋ نارىعى بويىنشا تازا پايدا 33،5 ملرد تەڭگەنى قۇرادى (2025 جىلدىڭ باسىنان باستاپ – 188،6 ملرد تەڭگە).
2025 جىلدىڭ باسىنان باستاپ جەكە جانە زاڭدى تۇلعالار بويىنشا جاسالعان ساقتاندىرۋ شارتتارىنىڭ سانى 17،2 ملن شارتتى قۇرادى، بۇل 2024 جىلدىڭ ۇقساس ايىمەن سالىستىرعاندا 16،2%-عا كوپ. نەگىزگى ءوسىم ءومىردى ساقتاندىرۋ بويىنشا شارتتارعا تيەسىلى (107،9%).
2025 جىلعى تامىزدا ساقتاندىرۋ (قايتا ساقتاندىرۋ) شارتتارى بويىنشا قابىلدانعان ساقتاندىرۋ سىيلىقاقىلارى 146،3 ملرد تەڭگەنى قۇرادى. 2025 جىلدىڭ باسىنان بەرى ساقتاندىرۋ سىيلىقاقىلارى 1،1 ترلن تەڭگەنى قۇرادى، بۇل 2024 جىلدىڭ ۇقساس كەزەڭىمەن سالىستىرعاندا 14،9%-عا كوپ.
ساقتاندىرۋ سىيلىقاقىلارىنىڭ ءوسۋىنىڭ نەگىزگى درايۆەرى ەرىكتى مۇلىكتىك ساقتاندىرۋ سىنىبى بولىپ تابىلادى، ولار بويىنشا ساقتاندىرۋ سىيلىقاقىلارىنىڭ كولەمى 2025 جىلعى تامىزدا 47،4 ملرد تەڭگەنى، 2025 جىلدىڭ باسىنان بەرى 387،9 ملرد تەڭگەنى قۇرادى، بۇل وتكەن جىلدىڭ ۇقساس كەزەڭىمەن سالىستىرعاندا 19،1%-عا كوپ. ءوسۋ، نەگىزىنەن، وزگە دە قارجىلىق شىعىنداردان ساقتاندىرۋ بويىنشا جينالعان سىيلىقاقىلار سوماسىنىڭ 91،0%-عا جانە مۇلىكتى زياننان ساقتاندىرۋ بويىنشا 14،7%-عا ۇلعايۋىنا بايلانىستى.
ەرىكتى جەكە ساقتاندىرۋ بويىنشا ساقتاندىرۋ سىيلىقاقىلارىنىڭ كولەمى 2025 جىلعى تامىزدا 73،4 ملرد تەڭگەنى، 2025 جىلدىڭ باسىنان بەرى 542،2 ملرد تەڭگەنى قۇرادى، بۇل وتكەن جىلدىڭ ۇقساس كەزەڭىمەن سالىستىرعاندا 15،2%-عا كوپ. ءوسۋ، نەگىزىنەن، زەينەتاقى اننۋيتەتتىك ساقتاندىرۋ بويىنشا سىيلىقاقىلاردىڭ 10،9%-عا 227،5 ملرد تەڭگەگە دەيىن جانە ءومىردى ساقتاندىرۋ بويىنشا 19،3%-عا 160،3 ملرد تەڭگەگە دەيىن ۇلعايۋىنا بايلانىستى.
مىندەتتى ساقتاندىرۋ بويىنشا 2025 جىلعى تامىزدا 25،5 ملرد تەڭگە، جىل باسىنان 180،1 ملرد تەڭگە سوماعا ساقتاندىرۋ سىيلىقاقىلارى جينالدى، بۇل وتكەن جىلدىڭ ۇقساس كەزەڭىمەن سالىستىرعاندا 5،9%-عا كوپ. ۇلعايۋ، نەگىزىنەن، كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىگىن 19،3%-عا 68،4 ملرد تەڭگەگە دەيىن مىندەتتى ساقتاندىرۋ بويىنشا ورىن الدى.
ساقتاندىرۋ تولەمدەرى 2025 جىلعى تامىزدا 37،0 ملرد تەڭگەنى (130،8 مىڭ تولەم بويىنشا) قۇرادى. 2025 جىلدىڭ باسىنان بەرى ساقتاندىرۋ تولەمدەرى 282،0 ملرد تەڭگەنى قۇرادى، بۇل وتكەن جىلدىڭ ۇقساس كەزەڭىمەن سالىستىرعاندا 39،0%-عا كوپ. ءوسۋ، نەگىزىنەن، 59،7%-عا 92،0 ملرد تەڭگەگە دەيىن ەرىكتى مۇلىكتىك ساقتاندىرۋ بويىنشا ساقتاندىرۋ تولەمدەرىنىڭ ۇلعايۋىنا بايلانىستى.
2025 جىلعى 1 قىركۇيەكتەگى جاعداي بويىنشا، ەلىمىزدىڭ ساقتاندىرۋ سەكتورىندا 25 ساقتاندىرۋ ۇيىمى بار، ونىڭ 10-ى ءومىردى ساقتاندىرۋ سالاسىن قامتيدى.
بۇعان دەيىن باعالى قاعازدار نارىعى بويىنشا ستاتيستيكانى جاريالاعان بولاتىنبىز. 2025 جىلعى 1 قىركۇيەكتەگى جاعداي بويىنشا، اكسيالار نارىعىن كاپيتالداندىرۋ 39،6 ترلن تەڭگەنى قۇراپ (2025 جىلدىڭ باسىنان باستاپ 20،4%-عا ءوستى) تامىزدا 5،1%-عا ءوستى.
