Basqarma basshysynyń aitýynsha, byltyrǵy jyly óńirde 33 densaýlyq saqtaý nysanynyń qurylysy júrgizilgen. 2018 jyly taǵy da 9 meditsinalyq, onyń ishinde 6 emhana men 1 aýyldyq emhana jáne 2 dárigerlik ambýlatoriianyń qurylysy josparlanǵan. Budan bólek, biyl memlekettik – jekeshelik áriptestik aiasynda Shymkent qalasynda 3 emhana qurylysy bastaý almaq.
Májilis barasynda oblystyq qarjy basqarmasynyń basshysy Abdrahman Tasybaev 2017 jylǵy biýdjettiń atqarylýyn baiandady. Oblys boiynsha 2017 jyldyń qorytyndysymen memlekettik biýdjettiń kirister jospary 102,1 paiyzǵa oryndalǵan. Jospardan tys 6,5 mlrd.teńge qosymsha kiris túsken. Onyń ishinde respýblikalyq biýdjet 101,3 paiyzǵa oryndalyp, 2,5 mlrd.teńge artyq túsim baiqalǵan. Al jergilikti biýdjettiń kirister jospary 103,4 paiyzǵa oryndalyp, túsim 4 mlrd.teńgege kóbeigen.
Májiliste jekeshelendirýdi júrgizý barysy týraly baiandaǵan Abdrahman Batyrbekuly 2017 jyly jekeshelendirýge jatatyn 21 nysannyń 10-y jalpy 557,63 mln.teńgege satylǵanyn jetkizdi. Jalpy byltyr oblystyq kommýnaldyq menshiktegi múlikti satýdan oblystyq biýdjetke 129,9 mln.teńge túsken.
Óz baiandamasynda oblystyq ekonomika jáne biýdjettik josparlaý basqarmasy basshysy Arman Sábitov josparly kezeńge arnalǵan biýdjetti qalyptastyrý nemese naqtylaý barysynda qoldanystaǵy biýdjettik zańnama talaptaryn qatań saqtaýdy usyndy.
Jiyndy qorytqan óńir basshysy biýdjettiń atqarylýyna basa nazar aýdaryp, jekeshelendirýdiń keshendi josparyn belgilengen merzimde ótkizýdi, respýblikalyq qarjylardyń qysqarýyna jol bermeýdi jáne densaýlyq saqtaý jónindegi perspektivalyq jospardy «Densaýlyq» memlekettik baǵdarlamasymen úilestire otyryp iske asyrýdy tapsyrdy.
– Densaýlyq saqtaý júiesiniń infraqurylymyn damytýda memlekettik jekemenshik áriptestik tetikterin barynsha qoldaný qajet. Osy rette biyl atqarylatyn jumystardy júielep, naqty is-áreket josparyn bekitýdi tapsyramyn, – dedi Janseiit Qanseiituly.
OQO ákiminiń baspasóz qyzmeti
