Biyl Lenger qalasynda 480 páter paidalanýǵa berilmek
− Byltyrǵy jyly oblystyq biýdjet esebinen 180 mln teńge bólinip, jer qazý, qurylys montajdaý jumystary bastalǵan bolatyn. Al biyl qalǵan 2 mlrd 555 mln teńge bólinip qurylys jumystary qyzý júrgizilýde. Turǵyn úilerdiń qurylysyn aǵymdaǵy jyldyń qyrkúiek aiyna deiin aiaqtaý josparlanýda. Qurylys jumystary aiaqtalǵan soń 480 januia pátermen qamtamasyz etiletin bolady , − deidi Tólebi aýdandyq qurylys bóliminiń sektor meńgerýshisi Shyńǵys Seiitov.
Bul úiler kommýnaldyq menshikke alynyp, turǵyn úi kezeginde turǵan azamattarǵa beriletin bolady. 8 úidegi páterlerdiń jalpy aýmaǵy 29 myń sharshy metrdi quraidy. Munda páterler 1, 2,3 bólmeli bolyp bólinedi. Turǵyn úiler aýmaǵyn abattandyrý jumystaryna oblystyq biýdjet esebinen 50 mln teńge baǵyttalmaq.
Budan bólek, osy móltek aýdanda 5 qabatty 40, 20 páterli 2 turǵyn úidiń qurylys jumystaryna oblystyq biýdjetten qarjy bólingen. Qazirgi tańda jer qazý jumystaryna daiyndyq jumystary júrgizilýde. Bul eki nysan qurylystary 2018 jyly aiaqtalady dep josparlanýda.
OQO ákiminiń baspasóz qyzmeti
