− بىلتىرعى جىلى وبلىستىق بيۋدجەت ەسەبىنەن 180 ملن تەڭگە ءبولىنىپ، جەر قازۋ، قۇرىلىس مونتاجداۋ جۇمىستارى باستالعان بولاتىن. ال بيىل قالعان 2 ملرد 555 ملن تەڭگە ءبولىنىپ قۇرىلىس جۇمىستارى قىزۋ جۇرگىزىلۋدە. تۇرعىن ۇيلەردىڭ قۇرىلىسىن اعىمداعى جىلدىڭ قىركۇيەك ايىنا دەيىن اياقتاۋ جوسپارلانۋدا. قۇرىلىس جۇمىستارى اياقتالعان سوڭ 480 جانۇيا پاتەرمەن قامتاماسىز ەتىلەتىن بولادى ، − دەيدى تولەبي اۋداندىق قۇرىلىس ءبولىمىنىڭ سەكتور مەڭگەرۋشىسى شىڭعىس سەيىتوۆ.
بۇل ۇيلەر كوممۋنالدىق مەنشىككە الىنىپ، تۇرعىن ءۇي كەزەگىندە تۇرعان ازاماتتارعا بەرىلەتىن بولادى. 8 ۇيدەگى پاتەرلەردىڭ جالپى اۋماعى 29 مىڭ شارشى مەتردى قۇرايدى. مۇندا پاتەرلەر 1، 2،3 بولمەلى بولىپ بولىنەدى. تۇرعىن ۇيلەر اۋماعىن اباتتاندىرۋ جۇمىستارىنا وبلىستىق بيۋدجەت ەسەبىنەن 50 ملن تەڭگە باعىتتالماق.
بۇدان بولەك، وسى مولتەك اۋداندا 5 قاباتتى 40، 20 پاتەرلى 2 تۇرعىن ءۇيدىڭ قۇرىلىس جۇمىستارىنا وبلىستىق بيۋدجەتتەن قارجى بولىنگەن. قازىرگى تاڭدا جەر قازۋ جۇمىستارىنا دايىندىق جۇمىستارى جۇرگىزىلۋدە. بۇل ەكى نىسان قۇرىلىستارى 2018 جىلى اياقتالادى دەپ جوسپارلانۋدا.
وقو اكىمىنىڭ باسپا ءسوز قىزمەتى
