Biyl atalǵan joba Astana, Almaty qalalarynda, sondai-aq Aqmola, Aqtóbe, Almaty, Atyraý, Shyǵys Qazaqstan, Jambyl, Qaraǵandy, Qostanai, Qyzylorda, Pavlodar jáne Soltústik Qazaqstan oblystarynda iske qosý josparlanǵan.
Jastardy turǵyn úimen qamtamasyz etý baǵdarlamasyn «Otbasy banki» AQ Mádeniet jáne aqparat ministrliginiń qoldaýymen oblys jáne qala ákimdikterimen birlese júzege asyrady.
«Baǵdarlamalarǵa 35 jasqa deiingi áleýmettik sala, BAQ, joǵary oqý oryndarynyń oqytýshylary men ǵylymi qyzmetkerleri, kvazimemlekettik sektor, kommýnaldyq kásiporyndardyń qyzmetkerleri qatysa alady. Ár aimaqtaǵy kásipter tizbesin baǵdarlama bastalar aldynda ákimdik jinaqtaidy», — dep jazdy ministrlikten.
Baǵdarlamalarǵa qatysatyn azamattarǵa qoiylatyn negizgi talaptar:
- Qazaqstan Respýblikasynyń azamattyǵy.
- Baǵdarlamaǵa qatysýshynyń jasy 35 jasqa deiin (qosa alǵanda).
- Baǵdarlamaǵa negizgi qatysýshy retinde tek erli-zaiyptylardyń bireýi ǵana qatysa alady.
- Baǵdarlamaǵa qatysýshynyń jáne onyń otbasy músheleriniń sońǵy 5 jyl ishinde QR aýmaǵynda satyp alý quqyǵymen jalǵa beriletin turǵyn úi nemese menshik quqyǵyndaǵy turǵyn úiiniń (erli-zaiyptylardyń ortaq múlki, ótinishke engiziletin otbasynyń basqa múshelerimen ortaq úlestik menshik) bolmaýy.
- Ótinish bergen kezde qatysýshy tańdaǵan saladaǵy resmi jumys ótili keminde bir jyldyq zeinetaqy shotynan úzindi kóshirmemen rastaýdy talap etedi.
Nesie sharttary:
- Nesie boiynsha syiaqy mólsheri — jyldyq 5% — dan bastap
- Nesie merzimi-19 jylǵa deiin
- Bastapqy jarna-nesie somasy -10%.
