بيىل اتالعان جوبا استانا، الماتى قالالارىندا، سونداي-اق اقمولا، اقتوبە، الماتى، اتىراۋ، شىعىس قازاقستان، جامبىل، قاراعاندى، قوستاناي، قىزىلوردا، پاۆلودار جانە سولتۇستىك قازاقستان وبلىستارىندا ىسكە قوسۋ جوسپارلانعان.
جاستاردى تۇرعىن ۇيمەن قامتاماسىز ەتۋ باعدارلاماسىن «وتباسى بانكى» اق مادەنيەت جانە اقپارات مينيسترلىگىنىڭ قولداۋىمەن وبلىس جانە قالا اكىمدىكتەرىمەن بىرلەسە جۇزەگە اسىرادى.
«باعدارلامالارعا 35 جاسقا دەيىنگى الەۋمەتتىك سالا، ب ا ق، جوعارى وقۋ ورىندارىنىڭ وقىتۋشىلارى مەن عىلىمي قىزمەتكەرلەرى، كۆازيمەملەكەتتىك سەكتور، كوممۋنالدىق كاسىپورىنداردىڭ قىزمەتكەرلەرى قاتىسا الادى. ءار ايماقتاعى كاسىپتەر تىزبەسىن باعدارلاما باستالار الدىندا اكىمدىك جيناقتايدى»، — دەپ جازدى مينيسترلىكتەن.
باعدارلامالارعا قاتىساتىن ازاماتتارعا قويىلاتىن نەگىزگى تالاپتار:
- قازاقستان رەسپۋبليكاسىنىڭ ازاماتتىعى.
- باعدارلاماعا قاتىسۋشىنىڭ جاسى 35 جاسقا دەيىن (قوسا العاندا).
- باعدارلاماعا نەگىزگى قاتىسۋشى رەتىندە تەك ەرلى-زايىپتىلاردىڭ بىرەۋى عانا قاتىسا الادى.
- باعدارلاماعا قاتىسۋشىنىڭ جانە ونىڭ وتباسى مۇشەلەرىنىڭ سوڭعى 5 جىل ىشىندە ق ر اۋماعىندا ساتىپ الۋ قۇقىعىمەن جالعا بەرىلەتىن تۇرعىن ءۇي نەمەسە مەنشىك قۇقىعىنداعى تۇرعىن ءۇيىنىڭ (ەرلى-زايىپتىلاردىڭ ورتاق مۇلكى، وتىنىشكە ەنگىزىلەتىن وتباسىنىڭ باسقا مۇشەلەرىمەن ورتاق ۇلەستىك مەنشىك) بولماۋى.
- ءوتىنىش بەرگەن كەزدە قاتىسۋشى تاڭداعان سالاداعى رەسمي جۇمىس ءوتىلى كەمىندە ءبىر جىلدىق زەينەتاقى شوتىنان ءۇزىندى كوشىرمەمەن راستاۋدى تالاپ ەتەدى.
نەسيە شارتتارى:
- نەسيە بويىنشا سىياقى مولشەرى — جىلدىق 5% — دان باستاپ
- نەسيە مەرزىمى-19 جىلعا دەيىن
- باستاپقى جارنا-نەسيە سوماسى -10%.
