Jalpy, Aqshı týrısik aımaǵynda 264 demalys aımaqtary bar. Byltyrǵy jyly kól jaǵalaýyna 798 myń 462 adam kelgen. Olarǵa 4 mlrd 790 mln teńgeniń qyzmeti kórsetilgen. Al, bıylǵy jyly Alakól kóline jazǵy shomylý maýsymynda 878 myń 325 demalýshylarǵa, 5 mldr 269 mln teńgeniń qyzmeti kórsetiledi dep josparlanýda. Sondaı-aq, 2020 jyly kól jaǵalaýy tazalyǵyn qamtamasyz etý úshin Aqshı aýylynda SHJQ «Alakól Tazalyq» MKK bólimshesi qurylyp, 7 dana tehnıkalar men 145 dana qoqys jınaıtyn konteınerler satyp alynǵan. Budan bólek, 2019 jyly kól jaǵalaýyn damytý boıynsha Aqshı aýyly Alakól kóliniń sol jaq jaǵalaýynda 4 ga jerge demalys saıabaǵynyń qurylysy bastalǵan bolatyn. Al, oń jaq jaǵalaýynda 2,7 ga jerde aleıa qurylysy aıaqtaldy. Kól jaǵalaýynda 10 jerge qoǵamdyq dárethana men qoqys alańdaryn daıyndap ornatý jumystary júzege asyryldy. Osy jyly jer komısıasy anyqtaǵan kól jaǵalaýynda 5 jerge shomylý alańdaryn ornatýǵa 700 dana shezlońtar men 280 dana shatyr satyp alyndy. Sondaı-aq, Aqshı aýylynda oblystyq búdjet qarajatynan 168,747 myń teńgege dárigerlik ambýlatorıa salyndy. Dárigerlik ambýlatorıada 17 kabınet, kúndelikti 25 adamdy qabyldaı alady. Buǵan qosa, 2017 jyldan bastap Aqshı aýylynda ýchaskelik polısıa pýnkti jumys isteıdi. Polısıa pýnkti 2 jumys bólmesinen jáne turǵyn úıge arnalǵan 4 bólmeden turady. Jalpy aýdany 91,3 sharshy metrdi quraıdy. Sonymen qatar, Aqshı aýylynda demalýshylardyń shomylý qaýipsizdigin qadaǵalaý maqsatynda Almaty oblysy TJD óńirlik qutqarý qyzmetiniń jasaǵy qurylǵan. Onda 13 adam jumys isteıdi.
Týrızm salasyn jetildirý baǵytyndaǵy ózekti máselelerdiń biri ol sapaly joldyń bolýy. Osy baǵytta týrıs qaýymynyń kólikpen nemese avtobýs syndy transporttarmen keletiniń eskerip, Taldyqorǵan-Óskemen baǵyty boıynsha uzyndyǵy 763 shaqyrym jáne Úsharal-Dostyq jobasy boıynsha 184 km jolda jóndeý jumystary júrgizilip, aıaqtalýǵa shaq qaldy.
Búginde «Úsharal» jańa áýejaıynda: Nur-Sultan – Úsharal – Nur-Sultan (aptasyna tórt ret, «Qazaq Air» áýe kompanıasy), Almaty – Úsharal – Almaty (kún saıyn, «SCAT» áýe kompanıasy), «Taldyqorǵan – Úsharal – Taldyqorǵan» (kún saıyn, «Jetisý» áýe kompanıasy) jumys isteýde. Al, avıabaǵyt boıynsha reıs sany men bılet quny bir jolaýshyǵa: «Nur-Sultan – Úsharal – Nur-Sultan» - 16 myń teńge (áýejaı qosatyn 1700 teńge paıyzymen – 17 700 teńgeni), «Almaty – Úsharal – Almaty» - 15 myń teńgeni, «Taldyqorǵan – Úsharal – Taldyqorǵan» - 8 myń teńgeni quraıdy. Atalǵan reısterdi sýbsıdıalaýǵa respýblıkalyq jáne jergilikti búdjetten 431,2 mln. teńge bólingen. Áýe baǵytynan bólek, temir jol baǵyttary da iske qosylǵan. «Almaty – Jetigen – Dostyq» aptasyna úsh ret, «Nur-Sultan – Nurly Jol – Dostyq» aptasyna eki ret, «Nur-Sultan –1 – Dostyq» aptasyna tórt ret .«Almaty – 1 – Dostyq» aptasyna tórt ret qatynasa, avtobýs baǵyty boıynsha: «Almaty – Úsharal-Aqshı-Kóktuma» - kúnine 15 avtobýs qatynaıdy. Aıta keterligi, bıyl Alakólge 1 mıllonǵa jýyq týrıs keledi dep kútilýde. Mamandar olarǵa 5 mlrd 269 mln teńgeniń qyzmeti kórsetiledi dep boljaýda.
Týrısik salanyń damýy tek bir ǵana tabıǵat ortasymen shektelmeıdi. Óńirdiń ınfraqurylymdyq salalar boıynsha damyǵan, mádenı oshaǵy keń, qonaqjaılyǵy jáne kóz tartatyn jádigerlerimen de erekshelenedi.
Qasıet ARSTAN,
Alakól aýdany ákiminiń
baspasóz-hatshysy
