Onlain baspasóz konferentsiiasy barysynda ShQO SSKD basshysynyń orynbasary Sáýle Sliamǵazina 2021 jylǵy jazǵy demalystyń bastalýyna qoiylatyn talaptardy atap aitty.
QR Bas memlekettik sanitariialyq dárigeriniń qaýlysyna sáikes, «sary» jáne «jasyl» aimaqtaǵy qonaq úiler men demalys bazalarynyń, sanatoriialyq-kýrorttyq uiymdardyń qyzmetine ruqsat etilgen.
Aldaǵy týristik maýsymǵa ShQO boiynsha sanitarlyq-epidemiologiialyq baqylaý departamenti oblystyń týristik aimaqtarynda indettiń aldyn alý jónindegi sharalardy aiqyndaityn arnaiy qaýly shyǵarýdy josparlap otyr.
Sonymen qatar, úi ieleri www.infokazakhstan.kz saitynan elektrondyq formatta beriletin sanitarlyq normalarǵa sáikestik aktisin alýy qajet.
Virýs órship turǵan aimaqtardan kelgen týristterde COVID-19-ǵa tapsyrylǵan PTR-synamanyń teris nátijesi bolýy tiis.
Bul rette, eger azamatta synamanyń teris nátijesi bolsa, onda onyń qasynda erip júrgen bes jasqa deiingi balalardan PTR-synama talap etilmeidi. Demalysqa kelgen bir otbasy múshelerinde tek 1 synama nátijesi bolsa jetkilikti.
Sondai-aq, demalys oryndarynyń toltyrylýy 80 paiyzdan aspaýy tiis. Kelýshilerdiń jartysy ǵana bir ýaqytta tamaqtaný oryndaryna kire alady. Shetki ústelderdegi oryndyqtar arasyndaǵy áleýmettik araqashyqtyq bir jarym metrden kem bolmaýy qajet.
Budan bólek, sýǵa túsý oryndaryn qospaǵanda, barlyq qoǵamdyq oryndarda maska rejimi jáne áleýmettik araqashyqtyq qatań saqtalady.
– Qaýly jobasy qazir ShQO ákimi apparaty men sanitarlyq-epidemiologiialyq baqylaý komitetine kelisýge joldandy. Eger Shyǵys Qazaqstan «qyzyl» aimaqqa ótetin bolsa, onda karantindik sharalardy odan ári qataitýǵa bolady, – dedi Sáýle Slámǵazina.
