Biyl 94 eldi meken gazben qamtamasyz etilip, 300 myńnan astam adam kógildir otynǵa qol jetkizedi, dep habarlaidy Dalanews.kz.
Memleket basshysynyń eldi mekenderdi gazdandyrý deńgeiin arttyrý jáne elimizdiń gaz salasyndaǵy áleýetin arttyrý jónindegi tapsyrmalaryn oryndaý barysynda aǵymdaǵy jyly 60 mlrd tekshe metrden astam gaz óndirý, sondai-aq strategiialyq mańyzdy infraqurylymdyq obektilerdi iske qosý josparlanýda. Bul týraly Úkimette ótken baspasóz máslihatynda birinshi vitse-premer Roman Skliar habarlady.
Elimizdiń munai-gaz salasynda birinshi jartyjyldyq qorytyndysy boiynsha 7,6 mln tonna munai ónimderi óndirildi, al jyldyq jospar 14,8 mln tonna.
"Biyl 62 mlrd tekshe metr gaz óndirý josparlanǵan. 94 eldi meken gazben qamtamasyz etiledi, 300 myńnan astam adam kógildir otynǵa qol jetkizedi. Qyrkúiek aiynda uzyndyǵy 302 shaqyrym bolatyn "Taldyqorǵan – Úsharal" magistraldyq gaz qubyry iske qosylady, bul 60-tan astam eldi mekendi gazben qamtamasyz etýge múmkindik beredi. Sáýir aiynda «Beineý-Bozoi-Shymkent» Magistraldyq gaz qubyry ekinshi jelisiniń qurylysy bastaldy. Ony kelesi jyldyń sońyna deiin paidalanýǵa berilý josparlanyp otyr", - dedi birinshi vitse-premer.
Munai-gaz himiiasy salasynda 6 aidyń qorytyndysy boiynsha 380 myń tonnadan astam ónim óndirildi, bul ótken jyldyń deńgeiinen 12,7%-ǵa artyq.
