«Astana Opera» teatry sahnasynda ataqty óner qairatkerleri bas qosyp, ańyzǵa ainalǵan ánshi Bibigúl Tólegenovany mereitoiymen quttyqtady, – dep habarlaidy Dalanews.kz QR Mádeniet jáne aqparat ministrliginiń baspasóz qyzmetine silteme jasap.
QR Mádeniet jáne aqparat ministrliginiń qoldaýymen uiymdastyrylǵan kontsertke Shahimardan Ábilov, Aigúl Úlkenbaeva, Alfiia Karimova, sonymen qatar Zarina Altynbaeva, Tolqyn Zabirova, Samal Báiseiitova, Aizada Omarova jáne Nurǵalym Amanbai syndy kóptegen tanymal ártister qatysty.
Kesh Ahmet Jubanov pen Latif Hamididiń «Abai» operasynan «Toibastar» jarqyn kórinisimen bastaldy. Bibigúl Tólegenova baiqaýynyń laýreattary Rasýl Jarmaǵambetov pen Tatiana Vitsinskaia, «Astana Opera» hory, orkestri men balet trýppasy dirijer, «Qurmet» ordeniniń kavaleri Rýslan Baimýrzinniń jetekshiligimen búkil kontsertke merekelik shyrai qosty.
Sondai-aq, Qazaqstannyń eńbek sińirgen qairatkeri Nurlan Ónerbaevtyń mánerlep oqýyndaǵy Fariza Ońǵarsynovanyń «Bibigúl – án» óleńi keshtiń kórkine ainaldy.
Mereitoi iesiniń shákirti, Qazaqstannyń eńbek sińirgen qairatkeri Tolqyn Zabirovanyń oryndaýyndaǵy Latif Hamididiń «Bulbul» áigili áni barsha halyqtyń súiispenshiligi retinde qabyldandy. Bul án Bibigúl Tólegenova shyǵarmashylyǵynda áldeqashan beiresmi simvolǵa ainalǵan edi.
