Bul nysandardyń bári tárkilenýi múmkin. SFO (Serious Fraud Office) alaiaqtyqpen kúres jónindegi biýro Gúlnara Karimovanyń múlki jaiyndaǵy málimetti bastapqyda Gazette basylymyna bergen.
Áńgime Sýrrei graftyǵyndaǵy záýlim úi men Londonnyń qymbat aýdanyndaǵy jalpy quny 40 mln fýnt sterling ($52 mln) turatyn eki páter jaiynda.
Sýrrei graftyǵyndaǵy Gorse Hill Manor villasyn Karimova 2010 jyly 18 mln fýntqa (23,5 mln dollar) satyp alǵan. Qazir onyń baǵasy 30 mln fýnt (39 mln dollar) turady. Úi mańynda ózen bar, onyń janynda 1912 jyly salynǵan serýen quratyn meken men 70 myń sharshy metr saiabaq bar.
Londondaǵy Meifer aýdanynda ornalasqan páterdiń quny 8 mln fýnt (10,4 mln dollar) tursa, Belgraviia aýdanyndaǵy páterdiń baǵasy 2 mln fýntqa (2,6 mln dollar) barady.
8 qańtarda Ózbekstannyń Joǵarǵy sotynyń baspasóz qyzmeti Tashkentte Karimova isine bailanysty jańa sot protsessi bastalǵanyn rastady. Onyń shveitsarlyq advokaty Gregýar Manja men qyzy Iman byltyr sot otyrysynyń jabyq ótetinin habarlaǵan.
Bul joly Karimovany qylmystyq top quryp, aqsha bopsalaýmen ainalysty, biýdjet aqshasyn jymqyrdy jáne sheteldegi kóleńkeli tabys kózin zańdastyrdy dep aiyptap jatyr.
2017 jyly ákesi Islam Karimov qaitys bolǵannan keiin, Gúlnara Ózbekstanda salyqtan jaltardy, memleket qarjysyn urlady degen aiyppen 10 jylǵa sottalǵan.
