Áleýmettik jelilerde Býrabaidaǵy aýanyń lastanǵany jaily, shveitsariialyq IQAir kompaniiasynyń derekterine silteme jasalǵan aqparat tarady. Alaida ulttyq tabiǵi park ókilderi bul málimettiń shyndyqqa janaspaitynyn aitty, dep habarlaidy Dalanews.kz.
Park qyzmetkerleriniń málimetinshe, 2023 jyly Býrabaida zamanaýi meteostantsiia ornatylǵan. Ol aýadaǵy RM2,5 usaq bólshekterdiń deńgeiin turaqty túrde tirkep otyrady. 2024 jylǵy ólsheýlerdiń qorytyndysy boiynsha, ruqsat etilgen normadan asyp ketken jaǵdai tirkelmegen. Iaǵni, Býrabaidyń aýasy sanitarlyq talaptarǵa sai jáne densaýlyqqa ziiany joq.
"Jariialanǵan derekter naqty jaǵdaidy kórsetpeidi. Bul — senimsiz aqparat kózderinen alynǵan málimetter. Sondyqtan buqaralyq aqparat quraldary men blogerlerge kez kelgen aqparatty jariialamas buryn onyń durystyǵyn tekserýdi suraimyz", – delingen ulttyq park habarlamasynda.
Sonymen qatar park ókilderi Býrabaidyń áli de tabiǵaty erekshe kýrort ekenin jáne mundaǵy aýa sapasy resmi baqylaýlar arqyly dáleldengenin atap ótti.
