Parlament senatynyń depýtaty Bibigúl Jeksenbai tórtinshi Ulttyq quryltai týraly pikir bildirdi, dep habarlaidy Dalanews.kz.
Bul biregei dialog alańynda jyl saiyn eldiń bolashaǵyna tikelei áser etetin mańyzdy máseleler qarastyrylyp keledi.
Quryltaida Qazaqstan damýynyń negizgi baǵyttary, sonyń ishinde ekonomikany reformalaý, áleýmettik saiasat, zań men tártipti nyǵaitý, ideologiialyq jumystardy júieleý máseleleri talqylandy.
Prezident Qasym-Jomart Toqaev óz baǵdarlamalyq baiandamasynda qazirgi jaǵdaiǵa jan-jaqty taldaý jasap, kóptegen máseleler boiynsha júieli sheshimder usynyp, bolashaqqa arnalǵan mindetterdi belgiledi.
Ideologiia – qoǵamnyń qundylyqtyq, saiasi jáne mádeni baǵdarlaryn qalyptastyratyn negizgi faktorlardyń biri. Qazirgi jahandaný dáýirinde onyń róli kúsheigeni sózsiz.
Memleket basshysy ideologiialyq jáne gýmanitarlyq jobalardyń mańyzdylyǵyna toqtalyp, Ishki saiasat tujyrymdamasyn ázirleý jáne Úkimettik emes uiymdar týraly zańnamany jetildirýdi tapsyrdy.
Jahandaný men tehnologiialyq úrdisterdiń keri áserinen biryńǵai jahandyq mádeniet qalyptasyp, ártúrliliktiń joiylý qaýpi týyndaýy múmkin. Jyl saiyn jahandanýdan joiylyp ketip jatqan mádenietter az emes. Sondyqtan Ulttyq biregeilikti saqtaý jáne jańǵyrtýǵa erteńin oilaǵan elder ózderiniń mádeni jáne tarihi erekshelikterin qorǵaýǵa basymdyq beredi. Prezidentimizdiń bul máselege basymdyq bergeni qýantty.
Biyl - ultymyzdyń rýhani reformatory, adamzattyń Abaiy atanǵan uly tulǵanyń- 180 jyldyq mereitoiy.
Gete, Servantes, Konfýtsii ortalyqtary siiaqty Shetelde Abai institýttaryn ashýdy qolǵa alý mańyzdy qadam.
“Abai institýty negizgi seriktes elderdiń bárinde tól mádenietimizdi nasihattaityn ortalyq bolýǵa tiis. Birqatar elde, mysaly, Qytai, Túrkiia, Mońǵoliia jáne basqa da memleketterde osyndai ortalyqtar ashylatyn boldy. Syrtqy ister ministrligi men "Otandastar" qoryna Mádeniet jáne aqparat ministrligimen birlesip, shetelde osyndai ortalyqtar ashý máselesi boiynsha tiisti jumysty jalǵastyrýdy tapsyramyn.”-dedi.
Sondai-aq, biologiialyq ártúrlilikti saqtaý jónindegi halyqaralyq qor , Ulttyq tsifrlyq arhiv qurý jáne «Qazaqstan balalary» biryńǵai baǵdarlamasyn iske qosý elimiz úshin strategiialyq mańyzdy jobalar.
Ár oblys ortalyǵynda erekshe balalardy ońaltý jáne damytý ortalyqtaryn ashý da, sondai-aq, oblystyq, aýdandyq ortalyqtarda, aýyldar men kentterde balalarǵa arnalǵan fýtbol alańdaryn salý sport ǵana emes, ult saýlyǵy men óskeleń urpaqtyń destrýktivti áreketterden qorǵaý qorǵany.
Qazaqstan Táýelsizdiginiń 40 jyldyǵyna ekonomikalyq jáne infraqurylymdyq bastamalar aiqyndaldy. Olar : tsifrlandyrý jáne jasandy intellekt, kólik jáne tranzit, energetika, agroónerkásip kesheni, adami kapital. Aldaǵy tórt jyl ishinde jyl saiyn 200-ge jýyq investitsiialyq jobany iske qosý, 2025-2026 jyldary iri infraqurylymdyq jobalardy júzege asyrý, al, biyl naqty sektordy qarjylandyrýdy eki esege arttyrý (8 trln teńgege deiin), kelesi jyldary 10 trln teńgege jetkizý , Astanadan Arqalyq, Torǵai, Yrǵyz arqyly ótip, Transkaspii halyqaralyq kólik dálizine shyǵatyn avtojol salý elimizdegi ekonomikalyq-infraqurylymdyq júzege asyrylatyn jumystardyń bir parasy ǵana.
Parlament pen Úkimettiń aldyndaǵy mindet - shekara mańyndaǵy aýmaqtardy damytý týraly jańa zań ázirleý.
«Biz úshin eshkim elimizdi damytyp, kórkeitip bermeidi. Qazaqstan óz azamattarymyzǵa, iaǵni bizge ǵana kerek. Biz óz múmkindigimiz ben kúsh-qýatymyzǵa arqa súieýimiz qajet. Sondyqtan ult retinde alǵa basýǵa ne kedergi bolsa, sonyń bárinen arylyp, sapaly ult bolýǵa tiispiz.” -dedi el Prezidenti.
Qasym-Jomart Kemeluly, “Elimizdi jahanǵa jaiylyp kele jatqan ózgeristerge daiyndap, Qazaqstandy kez kelgen syn-qaterge tótep bere alatyn qýatty memleket etýimiz kerek. Bul – meniń Prezident retindegi basty missiiam. Bul – tutas ultymyzǵa ortaq mańyzdy mindet» ekendigin basa aitty.
Ulttyq quryltai osylaisha Qazaqstan qoǵamynyń birigýine jáne eldiń uzaq merzimdi damýynyń strategiialyq baǵyttaryn aiqyndaýda basty ról atqarady.
