2026 jylǵy 6 tamyzda «Zań men tártip» qaǵidatyn iske asyrý aiasynda Shyǵys Qazaqstan oblysynyń prokýratýrasy jergilikti atqarýshy organdarmen birlesip Buqtyrma sý qoimasynyń jaǵalaýynda keshendi profilaktikalyq reid ótkizdi, dep habarlaidy dalanews.kz.
Is-sharanyń negizgi maqsaty – qoǵamdyq tártipti qamtamasyz etý, quqyq buzýshylyqtardyń aldyn alý jáne sý aidyndarynda demalýshylardyń qaýipsizdigin arttyrý.
Reid barysynda demalýshylarmen sýda ózin-ózi ustaý qaǵidalaryn qatań saqtaý, kámeletke tolmaǵan balalardy eresekterdiń qaraýynsyz qaldyrmaý, sondai-aq shaǵyn kólemdi kemelerdi qaýipsiz paidalaný talaptaryn saqtaý jóninde profilaktikalyq túsindirý jumystary júrgizildi.
Sonymen qatar, azamattarǵa shaǵyn kólemdi kemelerdi paidalaný qaǵidalaryn buzǵany úshin ákimshilik jaýaptylyq kózdelgeni túsindirildi. Ótkizilgen is-sharalardyń nátijesinde Qazaqstan Respýblikasy Ákimshilik quqyq buzýshylyq týraly kodeksiniń 582-babynyń 2-bóligi boiynsha 3 azamat ákimshilik jaýaptylyqqa tartyldy.
Óńirdegi sý aidyndarynda quqyq buzýshylyqtardyń aldyn alý jáne azamattardyń qaýipsizdigin qamtamasyz etý prokýratýra organdary men ýákiletti memlekettik organdardyń turaqty baqylaýynda.
Birlesken profilaktikalyq reidtik is-sharalar aldaǵy ýaqytta da jalǵasatyn bolady.
