2026 جىلعى 6 تامىزدا «زاڭ مەن تەرتٸپ» قاعيداتىن ٸسكە اسىرۋ اياسىندا شىعىس قازاقستان وبلىسىنىڭ پروكۋراتۋراسى جەرگٸلٸكتٸ اتقارۋشى ورگاندارمەن بٸرلەسٸپ بۇقتىرما سۋ قويماسىنىڭ جاعالاۋىندا كەشەندٸ پروفيلاكتيكالىق رەيد ٶتكٸزدٸ, دەپ حابارلايدى dalanews.kz.
ٸس-شارانىڭ نەگٸزگٸ ماقساتى – قوعامدىق تەرتٸپتٸ قامتاماسىز ەتۋ, قۇقىق بۇزۋشىلىقتاردىڭ الدىن الۋ جەنە سۋ ايدىندارىندا دەمالۋشىلاردىڭ قاۋٸپسٸزدٸگٸن ارتتىرۋ.
رەيد بارىسىندا دەمالۋشىلارمەن سۋدا ٶزٸن-ٶزٸ ۇستاۋ قاعيدالارىن قاتاڭ ساقتاۋ, كەمەلەتكە تولماعان بالالاردى ەرەسەكتەردٸڭ قاراۋىنسىز قالدىرماۋ, سونداي-اق شاعىن كٶلەمدٸ كەمەلەردٸ قاۋٸپسٸز پايدالانۋ تالاپتارىن ساقتاۋ جٶنٸندە پروفيلاكتيكالىق تٷسٸندٸرۋ جۇمىستارى جٷرگٸزٸلدٸ.
سونىمەن قاتار, ازاماتتارعا شاعىن كٶلەمدٸ كەمەلەردٸ پايدالانۋ قاعيدالارىن بۇزعانى ٷشٸن ەكٸمشٸلٸك جاۋاپتىلىق كٶزدەلگەنٸ تٷسٸندٸرٸلدٸ. ٶتكٸزٸلگەن ٸس-شارالاردىڭ نەتيجەسٸندە قازاقستان رەسپۋبليكاسى ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 582-بابىنىڭ 2-بٶلٸگٸ بويىنشا 3 ازامات ەكٸمشٸلٸك جاۋاپتىلىققا تارتىلدى.
ٶڭٸردەگٸ سۋ ايدىندارىندا قۇقىق بۇزۋشىلىقتاردىڭ الدىن الۋ جەنە ازاماتتاردىڭ قاۋٸپسٸزدٸگٸن قامتاماسىز ەتۋ پروكۋراتۋرا ورگاندارى مەن ۋەكٸلەتتٸ مەملەكەتتٸك ورگانداردىڭ تۇراقتى باقىلاۋىندا.
بٸرلەسكەن پروفيلاكتيكالىق رەيدتٸك ٸس-شارالار الداعى ۋاقىتتا دا جالعاساتىن بولادى.
