Onyń atap ótýinshe, qańtar oqiǵasy kezinde «Beibit jinalystar týraly» Zańǵa sáikes óz talaptaryn ashyq túrde málimdeý boiynsha azamattardyń quqyqtary saqtaldy. Barlyq aimaqtarda túsindirý jumystary júrgizildi. Kóterilgen máseleniń naqty sheshimderi usynyldy.
– Biraq, ókinishke qarai araǵa arandatýshylar qosyldy. Nátijesinde, beibit jinalys zańsyzdyqqa ulasty. Onyń ishinde avto jáne temirjoldar jabyldy. Vokzal men áýejai qyzmetterine tosqaýyl qoiyldy. Qyzmettik avtokólikter órteldi. Memlekettik organdardyń ǵimarattary qorshaldy. Zańdy talaptarǵa baǵynbai, qarsylyq kórsetildi. Sonyń ózinde, politsiia eshqandai kúsh qoldanǵan joq. Bul jaǵdaidy paidalanyp, myńdaǵan búlikshiler politsiiaǵa shabýyl jasady. Olardyń joǵary deńgeidegi daiyndyǵy jáne uiymshyldyǵy baiqaldy, – dedi ministr.
Marat Ahmetjanovtyń atap ótýinshe, búlikshilerdiń áreketteri naqty tártippen uiymdastyrylǵan. Temirler, tastar, taiaqtar jáne taǵy basqa quraldar iske qosyldy.
– Osyǵan orai, shuǵyl túrde azamattar men qyzmetkerlerdiń densaýlyǵyn saqtaý maqsatynda jappai tártipsizdikti toqtatý qajet boldy. Tek osy saǵattan bastap politsiia qyzmetkerleri adamnyń ómirine qaýip tóndirmeitin arnaiy quraldarmen jabdyqtaldy. Alaida, búlikshiler bunymen toqtaǵan joq. Olar qarý-jaraq dúkenderine, politsiia bólimderine, basqa da memlekettik organdarǵa shabýyl jasady. 2 800-den astam qarý-jaraq pen oq-dáriler urlandy, – dedi ministr.
