ونىڭ اتاپ ٶتۋٸنشە, قاڭتار وقيعاسى كەزٸندە «بەيبٸت جينالىستار تۋرالى» زاڭعا سەيكەس ٶز تالاپتارىن اشىق تٷردە مەلٸمدەۋ بويىنشا ازاماتتاردىڭ قۇقىقتارى ساقتالدى. بارلىق ايماقتاردا تٷسٸندٸرۋ جۇمىستارى جٷرگٸزٸلدٸ. كٶتەرٸلگەن مەسەلەنٸڭ ناقتى شەشٸمدەرٸ ۇسىنىلدى.
– بٸراق, ٶكٸنٸشكە قاراي اراعا ارانداتۋشىلار قوسىلدى. نەتيجەسٸندە, بەيبٸت جينالىس زاڭسىزدىققا ۇلاستى. ونىڭ ٸشٸندە اۆتو جەنە تەمٸرجولدار جابىلدى. ۆوكزال مەن ەۋەجاي قىزمەتتەرٸنە توسقاۋىل قويىلدى. قىزمەتتٸك اۆتوكٶلٸكتەر ٶرتەلدٸ. مەملەكەتتٸك ورگانداردىڭ عيماراتتارى قورشالدى. زاڭدى تالاپتارعا باعىنباي, قارسىلىق كٶرسەتٸلدٸ. سونىڭ ٶزٸندە, پوليتسييا ەشقانداي كٷش قولدانعان جوق. بۇل جاعدايدى پايدالانىپ, مىڭداعان بٷلٸكشٸلەر پوليتسيياعا شابۋىل جاسادى. ولاردىڭ جوعارى دەڭگەيدەگٸ دايىندىعى جەنە ۇيىمشىلدىعى بايقالدى, – دەدٸ مينيستر.
مارات احمەتجانوۆتىڭ اتاپ ٶتۋٸنشە, بٷلٸكشٸلەردٸڭ ەرەكەتتەرٸ ناقتى تەرتٸپپەن ۇيىمداستىرىلعان. تەمٸرلەر, تاستار, تاياقتار جەنە تاعى باسقا قۇرالدار ٸسكە قوسىلدى.
– وسىعان وراي, شۇعىل تٷردە ازاماتتار مەن قىزمەتكەرلەردٸڭ دەنساۋلىعىن ساقتاۋ ماقساتىندا جاپپاي تەرتٸپسٸزدٸكتٸ توقتاتۋ قاجەت بولدى. تەك وسى ساعاتتان باستاپ پوليتسييا قىزمەتكەرلەرٸ ادامنىڭ ٶمٸرٸنە قاۋٸپ تٶندٸرمەيتٸن ارنايى قۇرالدارمەن جابدىقتالدى. الايدا, بٷلٸكشٸلەر بۇنىمەن توقتاعان جوق. ولار قارۋ-جاراق دٷكەندەرٸنە, پوليتسييا بٶلٸمدەرٸنە, باسقا دا مەملەكەتتٸك ورگاندارعا شابۋىل جاسادى. 2 800-دەن استام قارۋ-جاراق پەن وق-دەرٸلەر ۇرلاندى, – دەدٸ مينيستر.
