[caption id="attachment_10316" align="alignleft" width="285"]
Aitýly sharaǵa Almaty qalasy men Jetisý aýdandyq bilim bóliminiń jetekshi qyzmetkerleri, soǵys ardagerleri, áskeriler men ata-analar qatysty. Jiyn barysynda sóz alǵan №102 balabaqshanyń meńgerýshisi Eldys Zabitova hanym búldirshinder arasynda Jeńistiń 70 jyldyq mereitoiyn dáripteý baǵytyndaǵy mańyzdy is-sharalar jyl basynan beri qolǵa alynǵanyn alǵa tartty.
– Jeńistiń 70 jyldyq mereitoiy elimizde keń kólemde atalynyp ótip jatqany ózderińizge málim. Osy aitýly sharaǵa biz de óz úlesimizdi qosyp, ótken kúnge salaýat aityp, nemis basqynshylaryna qarsy jan aiamai kúresken aradagerlerimizdiń erlik pen órlikke toly isterin búldirshinderdiń kókeiine quiýdy jón sanadyq. Bul baǵyttaǵy jumystarǵa balabaqshamyzdaǵy eresek toptardy tarttyq. Arnaiy is-shara josparyn quryp, tárbieshilerimiz kóp eńbektendi. Osy rette bizdiń bul baǵyttaǵy jumystarymyzǵa ata-analar da airyqsha qoldaý kórsetkenin aitýǵa tiispin. Ata-analar balalaryna arnaiy áskeri kiimder satyp alyp berip, is-sharanyń joǵary deńgeide ótýine kómek kórsetkenine alǵys aitamyn. Budan basqa bizder búldirshinderdiń júreginde otanshyldyq sezimin oiatý maqsatynda áskeri bólimshege saiahat uiymdastyrǵanymyzdy aita ketýimiz kerek. Birneshe aiǵa sozylǵan is-shara barysynda baldyrǵandardy Almaty qalasynda Uly Otan soǵysyna arnalǵan eskertkishterdi aralap, taǵzym etti. Osylaisha balalardyń tanym-túsinigin arttyrýda kóptegen jumystar atqardyq, – dep balabaqsha meńgerýshisi Eldys Zabitova Jeńistiń 70 jyldyq mereitoiyn óz deńgeiindi ótkizýge barynsha kúsh salǵandaryn jetkizdi.
[caption id="attachment_10317" align="aligncenter" width="890"]
Kesh barysynda balalar bi bilep, án salyp óz ónerlerin ortaǵa saldy. Birinshi bolyp sahna tórine shyqqan tulymshaǵy jelbiregen qyzdar ózderiniń sum soǵysty qalamaityndaryn áserli biimen kórsetip, jinalǵan qaýymdy bir serpiltip tastady. Búldirshinder án aityp, óleń oqyǵanda Jeńistiń qanshalyqty qadirlep, qaster tutatynyn baiqadyq. Is-shara barysynda balabaqsha tárbieshisi Baqytgúl Qarymsaqovany da áńgimege tarttyq. Ol birneshe aiǵa sozylǵan aptalyq barysynda balalar Uly Otan soǵysy jaiynda mol maǵlumat alyp, oi-óristerin keńeitkenin aitty.
[caption id="attachment_10318" align="aligncenter" width="900"]
– Qan maidanda tolarsaqtan qan keship, eli men jeri úshin janqiiarlyqpen kúresken atalarymyzdyń erligin jastardyń bilýi qashanda mańyzdy. Mundai mańyzdy máselelerdi balalarǵa balabaqsha qabyrǵasynan bastap úiretý qajet. Osy is-sharanyń arqasynda bizdiń balalar Baýyrjan Momyshuly atasy men Áliia jáne Mánshúk syndy batyr apalarynyń maidan dalasynda kórsetken erlikteri jaiynda mol maǵlumat aldy. Keleshekte balalarymyz qazaqtyń batyr ul-qyzdarynyń erligin maqtan etip júretinine senimdimin, – dep kókeidegi oiyn ortaǵa saldy.
[caption id="attachment_10319" align="aligncenter" width="900"]
Kontserttik baǵdarlama aiaqtalǵannan keiin aitýly sharany tamashalaýǵa jinalǵan qaýym búldirshinderdiń Uly Otan soǵysy taqyrybyna arnaiy uiymdastyrǵan kórmesin tamashalady. Kórmede jas jetkinshekterdiń soǵys taqyrybynda salynǵan sýretteri, qaǵaz ben plastilinnen jasaǵan buiymdary qoiylypty. Budan keiin balalardyń ónerin tamashalaýǵa arnaiy kelgen qonaqtar balabaqsha búldirshinderiniń qatysýymen uiymdastyrylǵan áskeri sherýdi tamashalap, máz-meiram boldy. Jiyn sońynda sóz alǵan Almaty qalasy bilim basqarmasynan arnaiy kelgen maman mundai qyzyqty sharany uiymdastyrǵan balabaqsha ujymyna alǵas aityp, rizashylyǵyn bildirdi.
[caption id="attachment_10320" align="alignnone" width="900"]
Nýrlan Áýbákir.
