Sońǵy ýaqytta ýkrainalyqtar tarapynan Qazaqstanǵa degen renish paida bolǵan. Máselen, belgili ýkrainalyq jýrnalist Dmitro Karpenko eldegi sý tasqynyn synap, oryn alǵan tótenshe jaǵdaiǵa bailanysty qazaqstandyqtarǵa janashyrlyq tanytpaitynyn ashyp aitqan. Al onyń bul videosy áleýmettik jelide úlken rezonans týdyrdy, dep habarlaidy Dalanews.kz.
Ýkrainanyń tanymal media mamany Dmitro Karpenkonyń aitýynsha, qazaqtar Reseige sanktsiialardy ainalyp ótýge kómek qolyn sozýda.
"Qazaqtarda tasqyn bolyp jatyr ma? Endi ne isteiin? Ózderine sol kerek! Pýtinge kómektesýdi jalǵastyra berińizder, múmkin bizde taǵy birdeńe bolyp qalar. Túsinemin, qazir "Bizdiń janymyz ashidy...» degen kóptegen pikir aitylady. Al meniń Qazaqstanǵa janym ashymaidy! Eki jyl ishinde Qazaqstannan esh jaqsylyq kórmedik", - dedi ol.
Sondai-aq ol qazaqstandyqtardyń Ýkrainaǵa bar bolǵany 80 tonna gýmanitarlyq kómek jóneltkenin málimdedi.
Al jýrnalistiń sózin qostaǵan ýkrainalyqtar: "Bul - karma", "Soǵan ábden laiyqsyzdar", "Taǵy da jańbyr jaýsyn, sebebi bul áli de azdyq etedi" degen teris niettegi pikirlerin jaýdyrǵan.
Óz kezeginde qazaqstandyqtar: "Qazaqstandaǵy sý tasqynyna ýkrainalyqtar nelikten qýanyp júr? Biz olardy soǵysta qoldap jatyrmyz, al olar bizdi mazaq etýde!" dep pikir qaldyrǵan.
Osy tusta myslivslyx5 laqap atymen belgili qazaqstandyq bloger ýkrainalyq jýrnilistiń sózine qarsy shyǵyp, oǵan jaǵdaidyń mán-jaiyn túsindirip berdi.
"Sizdiń ashýlanýyńyzdyń syryn túsinemin, Dmitrii. Biraq Qazaqstan biligin qarapaiym azamattarmen shatastyrmai-aq qoiaiyq. Barlyq gýmanitarlyq kómekti Ýkrainany qoldaityn qarapaiym halyq jibergen. Biz Ýkrainany qoldaimyz. Bir-birin qoldaityn eki halyqtyń arasyna osy sózderińmen alaýyzdyq týdyryp jatyrsyń", - deidi ol.
Sonymen qatar bloger qazirgi tańda ýkrainalyqtar durys emes oidy jeleý etip júrgenin alǵa tartty.
"Ýkraina turǵyndary "Sizder sanktsiiany ainalyp ótýge kómektesip jatyrsyzdar" dep túrli pikir jaza bastady. Biz sanktsiialardy ainalyp ótýge kómektespeimiz! Bul – birinshi másele. Ekinshiden, sizderdiń juldyzdaryńyz da Eýropaǵa qaiyrymdylyq kontsertterimen baryp, sosyn bul aqshany ZMÝ-ǵa kómek retinde aýdarmaitynyn estip jatyrmyz. Kelispeýshilik týdyrmaiyq. Men Ýkrainany óz basym qoldadym jáne áli de qoldaimyn. Al jurtshylyq úlken aýditoriiamen sóileser aldynda ár sózin oi eleginen ótkizip, durys aqparat berýi qajet", - dep óz pikirin bildirdi myslivslyx5.
Eske sala keteiik, elde birneshe kúnnen beri sý tasyp, ondaǵan aýdanda tótenshe jaǵdai jariialandy. Sý tasqyny eń úlken qaýip týǵyzyp otyrǵan óńirler qatarynda Atyraý, Batys Qazaqstan, Soltústik Qazaqstan, Qostanai oblystary bar. Reseidiń Or qalasynda dambynyń jarylýy qosymsha qiyndyq týǵyzǵan. Qulsary qalasynda eń kúrdeli jaǵdai tirkelip, adam shyǵyny tirkeldi.
