"بۇل – كارما...". ۋكراين ءجۋرناليسى قازاقستانداعى سۋ تاسقىنىنا جاناشىرلىق تانىتپايتىنىن ايتتى

قاراكوز امانتاي 19 ءساۋ. 2024 15:06 113587

سوڭعى ۋاقىتتا ۋكراينالىقتار تاراپىنان قازاقستانعا دەگەن رەنىش پايدا بولعان. ماسەلەن، بەلگىلى ۋكراينالىق جۋرناليست دميترو كارپەنكو ەلدەگى سۋ تاسقىنىن سىناپ، ورىن العان توتەنشە جاعدايعا بايلانىستى قازاقستاندىقتارعا جاناشىرلىق تانىتپايتىنىن اشىپ ايتقان. ال ونىڭ بۇل ۆيدەوسى الەۋمەتتىك جەلىدە ۇلكەن رەزونانس تۋدىردى، دەپ حابارلايدى Dalanews.kz.  

ۋكراينانىڭ تانىمال مەديا مامانى دميترو كارپەنكونىڭ ايتۋىنشا، قازاقتار رەسەيگە سانكسيالاردى اينالىپ وتۋگە كومەك قولىن سوزۋدا.

"قازاقتاردا تاسقىن بولىپ جاتىر ما؟ ەندى نە ىستەيىن؟ وزدەرىنە سول كەرەك!  پۋتينگە كومەكتەسۋدى جالعاستىرا بەرىڭىزدەر، مۇمكىن بىزدە تاعى بىردەڭە بولىپ قالار. تۇسىنەمىن، ءقازىر "ءبىزدىڭ جانىمىز اشيدى...» دەگەن كوپتەگەن پىكىر ايتىلادى. ال مەنىڭ قازاقستانعا جانىم اشىمايدى! ەكى جىل ىشىندە قازاقستاننان ەش جاقسىلىق كورمەدىك"، - دەدى ول.

سونداي-اق ول قازاقستاندىقتاردىڭ ۋكرايناعا بار بولعانى 80 توننا گۋمانيتارلىق كومەك جونەلتكەنىن مالىمدەدى.

ال ءجۋرناليستىڭ ءسوزىن قوستاعان ۋكراينالىقتار: "بۇل - كارما"، "سوعان ابدەن لايىقسىزدار"، "تاعى دا جاڭبىر جاۋسىن، سەبەبى بۇل ءالى دە ازدىق ەتەدى" دەگەن تەرىس نيەتتەگى پىكىرلەرىن جاۋدىرعان.

ءوز كەزەگىندە قازاقستاندىقتار: "قازاقستانداعى سۋ تاسقىنىنا ۋكراينالىقتار نەلىكتەن قۋانىپ ءجۇر؟ ءبىز ولاردى سوعىستا قولداپ جاتىرمىز، ال ولار ءبىزدى مازاق ەتۋدە!" دەپ پىكىر قالدىرعان.

وسى تۇستا myslivslyx5 لاقاپ اتىمەن بەلگىلى قازاقستاندىق بلوگەر ۋكراينالىق ءجۋرنيليستىڭ سوزىنە قارسى شىعىپ، وعان جاعدايدىڭ ءمان-جايىن ءتۇسىندىرىپ بەردى.

"ءسىزدىڭ اشۋلانۋىڭىزدىڭ سىرىن تۇسىنەمىن، دميتريي. ءبىراق قازاقستان بيلىگىن قاراپايىم ازاماتتارمەن شاتاستىرماي-اق قويايىق. بارلىق گۋمانيتارلىق كومەكتى ۋكراينانى قولدايتىن قاراپايىم حالىق جىبەرگەن. ءبىز ۋكراينانى قولدايمىز. ءبىر-بىرىن قولدايتىن ەكى حالىقتىڭ اراسىنا وسى سوزدەرىڭمەن الاۋىزدىق تۋدىرىپ جاتىرسىڭ"، - دەيدى ول.

سونىمەن قاتار بلوگەر قازىرگى تاڭدا ۋكراينالىقتار دۇرىس ەمەس ويدى جەلەۋ ەتىپ جۇرگەنىن العا تارتتى.

"ۋكراينا تۇرعىندارى "سىزدەر سانكسيانى اينالىپ وتۋگە كومەكتەسىپ جاتىرسىزدار" دەپ ءتۇرلى پىكىر جازا باستادى. ءبىز سانكسيالاردى اينالىپ وتۋگە كومەكتەسپەيمىز! بۇل – ءبىرىنشى ماسەلە. ەكىنشىدەن، سىزدەردىڭ جۇلدىزدارىڭىز دا ەۋروپاعا قايىرىمدىلىق كونسەرتتەرىمەن بارىپ، سوسىن بۇل اقشانى زمۋ-عا كومەك رەتىندە اۋدارمايتىنىن ەستىپ جاتىرمىز. كەلىسپەۋشىلىك تۋدىرمايىق. مەن ۋكراينانى ءوز باسىم قولدادىم جانە ءالى دە قولدايمىن. ال جۇرتشىلىق ۇلكەن اۋديتوريامەن سويلەسەر الدىندا ءار ءسوزىن وي ەلەگىنەن وتكىزىپ، دۇرىس اقپارات بەرۋى قاجەت"، - دەپ ءوز پىكىرىن ءبىلدىردى myslivslyx5.

ەسكە سالا كەتەيىك، ەلدە بىرنەشە كۇننەن بەرى سۋ تاسىپ، ونداعان اۋداندا توتەنشە جاعداي جاريالاندى. سۋ تاسقىنى ەڭ ۇلكەن ءقاۋىپ تۋعىزىپ وتىرعان وڭىرلەر قاتارىندا اتىراۋ، باتىس قازاقستان، سولتۇستىك قازاقستان، قوستاناي وبلىستارى بار. رەسەيدىڭ ور قالاسىندا دامبىنىڭ جارىلۋى قوسىمشا قيىندىق تۋعىزعان. قۇلسارى قالاسىندا ەڭ كۇردەلى جاعداي تىركەلىپ، ادام شىعىنى تىركەلدى.


ۇسىنىلعان
سوڭعى جاڭالىقتار