Qazaqstanda meditsina qyzmetkerlerine shabýyl jasaǵany úshin jaza kúsheiedi. Jýrnalisterge bul jóninde Májilis depýtaty Ashat Aimaǵambetov tolyq aqparat berdi, dep habarlaidy Dalanews.kz.
Aimaǵambetovtyń aitýynsha, tiisti zań jobasyn depýtattar qarastyryp jatyr.
“Qazir qoldanystaǵy norma boiynsha – eger Qylmystyq Kodeks normalaryn jalpy qarastyrsaq, jeńil ziian keltirý nemese uryp-soǵý úshin 25 nemese 50 táýlik qarastyrylǵan. Aiyppulǵa kelsek, shamamen 200 AEK (2025 jyly – 786 400 teńge). Endi sýbekt retinde meditsina qyzmetkeri sanalatyn bolsa – bul dáriger, medbike, sanitarka, tipti, jedel járdem júrgizýshisi – olarǵa qatysty osyndai quqyqbuzýshylyq jasalsa, jaza 3 jylǵa deiin, 1000 AEK-ke deiin (2025 jyly – 3,9 million teńge), 600 saǵatqa deiin qoǵamdyq jumystar bolýy múmkin”, – dedi depýtat Májilistegi brifingte.
“Aqyry 12 jylǵa deiin túrmege qamalýy múmkin. Bir jaǵynan, bul - qatań jaza, ekinshi jaǵynan, meniń oiymsha, dárigerlerimizdi qorǵaýǵa múmkindik beretin ádil túzetýler. Óitkeni búginde kóptegen meditsina qyzmetkerleri qabyldaý bóliminde jumys isteýden qorqatynyn kórip otyrmyz”, – dedi Aimaǵambetov.
