قازاقستاندا مەديتسينا قىزمەتكەرلەرٸنە شابۋىل جاساعانى ٷشٸن جازا كٷشەيەدٸ. جۋرناليستەرگە بۇل جٶنٸندە مەجٸلٸس دەپۋتاتى اسحات ايماعامبەتوۆ تولىق اقپارات بەردٸ, دەپ حابارلايدى Dalanews.kz.
ايماعامبەتوۆتىڭ ايتۋىنشا, تيٸستٸ زاڭ جوباسىن دەپۋتاتتار قاراستىرىپ جاتىر.
“قازٸر قولدانىستاعى نورما بويىنشا – ەگەر قىلمىستىق كودەكس نورمالارىن جالپى قاراستىرساق, جەڭٸل زييان كەلتٸرۋ نەمەسە ۇرىپ-سوعۋ ٷشٸن 25 نەمەسە 50 تەۋلٸك قاراستىرىلعان. ايىپپۇلعا كەلسەك, شامامەن 200 اەك (2025 جىلى – 786 400 تەڭگە). ەندٸ سۋبەكت رەتٸندە مەديتسينا قىزمەتكەرٸ سانالاتىن بولسا – بۇل دەرٸگەر, مەدبيكە, سانيتاركا, تٸپتٸ, جەدەل جەردەم جٷرگٸزۋشٸسٸ – ولارعا قاتىستى وسىنداي قۇقىقبۇزۋشىلىق جاسالسا, جازا 3 جىلعا دەيٸن, 1000 اەك-كە دەيٸن (2025 جىلى – 3,9 ميلليون تەڭگە), 600 ساعاتقا دەيٸن قوعامدىق جۇمىستار بولۋى مٷمكٸن”, – دەدٸ دەپۋتات مەجٸلٸستەگٸ بريفينگتە.
“اقىرى 12 جىلعا دەيٸن تٷرمەگە قامالۋى مٷمكٸن. بٸر جاعىنان, بۇل - قاتاڭ جازا, ەكٸنشٸ جاعىنان, مەنٸڭ ويىمشا, دەرٸگەرلەرٸمٸزدٸ قورعاۋعا مٷمكٸندٸك بەرەتٸن ەدٸل تٷزەتۋلەر. ٶيتكەنٸ بٷگٸندە كٶپتەگەن مەديتسينا قىزمەتكەرلەرٸ قابىلداۋ بٶلٸمٸندە جۇمىس ٸستەۋدەن قورقاتىنىن كٶرٸپ وتىرمىز”, – دەدٸ ايماعامبەتوۆ.
