Búgin – 23 maýsym. Dál osy kúni Qazaqstan Respýblikasynyń politsiia kúni atalyp ótiledi.
Osydan 24 jyl buryn «Qazaqstan Respýblikasy ishki ister organdary» týraly Zańy qabyldanǵan bolatyn. Tiisinge bul Qazaqstan politsiiasynyń isteri men qyzmetin anyqtaityn birinshi aktisi bolyp tabylady. Al 2007 jyly Elbasy Nursultan Nazarbaevtyń jarlyǵymen 23 maýsym politsiia kúni dep resmi túrde bekitildi.
Quqyq qorǵaýshylardyń jumysy tańǵy saǵat toǵyz ben keshki saǵat altynyń aralyǵynda shektelmeidi.Tártip saqshylary halyqtyń tynyshtyǵyn kúni-túni kúzetip, áleýmettik tártipti baqylaidy. Qaýip-qaterdiń aldyn alady, tóngen qaýipti aýyzdyqtaýda basyn báigege tigetin kezderi de az emes.
Qazaqstan politsiiasy kúni - Táýelsizdik jyldarynda atalǵan mańyzdy qyzmetti jolǵa qoiýdyń basy-qasynda bolǵan ardagerlerge jáne qazirde osy salada ter tógip júrgender barsha azamattarǵa alǵys bildiretin kún. Buǵan qosa 23 maýsym beibit zamanda elimizdiń tynyshtyǵy men turaqtylyǵy úshin óz ómirlerin pida etkenderge qurmet kórsetý kúni bolyp sanalady.
