بۇگىن – 23 ماۋسىم. ءدال وسى كۇنى قازاقستان رەسپۋبليكاسىنىڭ پوليسيا كۇنى اتالىپ وتىلەدى.
وسىدان 24 جىل بۇرىن «قازاقستان رەسپۋبليكاسى ىشكى ىستەر ورگاندارى» تۋرالى زاڭى قابىلدانعان بولاتىن. تيىسىنگە بۇل قازاقستان پوليسياسىنىڭ ىستەرى مەن قىزمەتىن انىقتايتىن ءبىرىنشى اكتىسى بولىپ تابىلادى. ال 2007 جىلى ەلباسى نۇرسۇلتان نازاربايەۆتىڭ جارلىعىمەن 23 ماۋسىم پوليسيا كۇنى دەپ رەسمي تۇردە بەكىتىلدى.
قۇقىق قورعاۋشىلاردىڭ جۇمىسى تاڭعى ساعات توعىز بەن كەشكى ساعات التىنىڭ ارالىعىندا شەكتەلمەيدى.ءتارتىپ ساقشىلارى حالىقتىڭ تىنىشتىعىن كۇنى-تۇنى كۇزەتىپ، الەۋمەتتىك ءتارتىپتى باقىلايدى. قاۋىپ-قاتەردىڭ الدىن الادى، تونگەن ءقاۋىپتى اۋىزدىقتاۋدا باسىن بايگەگە تىگەتىن كەزدەرى دە از ەمەس.
قازاقستان پوليسياسى كۇنى - تاۋەلسىزدىك جىلدارىندا اتالعان ماڭىزدى قىزمەتتى جولعا قويۋدىڭ باسى-قاسىندا بولعان ارداگەرلەرگە جانە قازىردە وسى سالادا تەر توگىپ جۇرگەندەر بارشا ازاماتتارعا العىس بىلدىرەتىن كۇن. بۇعان قوسا 23 ماۋسىم بەيبىت زاماندا ەلىمىزدىڭ تىنىشتىعى مەن تۇراقتىلىعى ءۇشىن ءوز ومىرلەرىن پيدا ەتكەندەرگە قۇرمەت كورسەتۋ كۇنى بولىپ سانالادى.
