28 qańtar kúni elimizdiń birneshe aimaǵynda qolaisyz meteojaǵdai qalyptasady. Sinoptikterdiń málimetinshe, tuman, kóktaiǵaq, qar men jańbyr aralas jaýyn-shashyn, sondai-aq qatty jel kútiledi, dep habarlaidy Dalanews.kz.
Ulytaý oblysynyń soltústigi, shyǵysy jáne ońtústiginde tuman túsedi. Osyndai jaǵdai Qaraǵandy oblysynyń batys, shyǵys jáne ońtústik aýdandarynda da boljanyp otyr.
Eń nashar aýa raiy Túrkistan oblysynda kútiledi. Óńirdiń soltústigi, ońtústigi, batysy jáne taýly aimaqtarynda jańbyr men qar aralas jaýyn-shashyn jaýyp, jaiaý burqasyn men kóktaiǵaq bolady. Ońtústik-batystan soǵatyn jeldiń jyldamdyǵy kei jerlerde 15–20 m/s-qa deiin jetýi múmkin. Shymkentte kei ýaqytta tuman men kóktaiǵaq baiqalsa, Túrkistan qalasynda kúnniń ekinshi jartysynda kóktaiǵaq kúsheiedi.
Qyzylorda oblysynyń soltústigi, shyǵysy jáne ortalyǵynda tuman men kóktaiǵaq kútiledi. Bul jaǵdai oblys ortalyǵy – Qyzylorda qalasynda da saqtalady.
Mańǵystaý oblysynyń batysy men ortalyǵynda jaiaý burqasyn, tuman jáne kóktaiǵaq bolady. Jel shyǵys jáne ońtústik-shyǵystan soǵyp, kúndiz 15–20 m/s-qa deiin kúsheiýi múmkin. Aqtaýda joldardyń taiǵaq bolýy yqtimal. Al oblystyń soltústik-shyǵysynda túnde aýa temperatýrasy 25–27 gradýs aiazǵa deiin tómendeidi.
Batys Qazaqstan oblysynyń batysy men ońtústiginde jaiaý burqasyn soqsa, soltústigi men shyǵysynda tuman túsedi. Oral qalasynda túngi jáne tańǵy ýaqytta tuman kútiledi.
Shyǵys Qazaqstan oblysynda qar jaýyp, burqasyn soǵady. Soltústik, ońtústik jáne ortalyq bólikterinde tuman kúsheiedi. Óskemen qalasynda da túnde jáne tańerteń tuman bolady.
Qostanai oblysynyń batysy men soltústiginde azdaǵan qar jaýyp, jaiaý burqasyn soǵady. Shyǵys jáne ońtústik aýdandarda tuman kútiledi. Ońtústik-batystan soǵatyn jeldiń ekpini 15–20 m/s-qa jetýi múmkin.
Mamandar turǵyndardy alys jolǵa shyqqanda saq bolýǵa, al júrgizýshilerdi joldyń taiǵaq bolýy men kórinýdiń tómendeýin eskerýge shaqyrady.
