Bul týraly QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin málimdedi.
– Buǵan buryn mán bermeýshi edik. Tek qana memlekettik organdardyń saittaryna, portaldaryna nazar aýdaryp keldik. Olardy májbúrlep, qazaq tiline aýdarttyq. Biraq olardyń da sapasy tómen. Qazir jaqsartyp jatyrmyz. Olarǵa talap qoiyldy, jumys júrgizilip jatyr, – dep málimdedi ministr Aqtóbe oblysynyń turǵyndarymen kezdesýde.
Mýsinniń aitýynsha, Facebook syndy jekemenshik servisterden qazaq tilinde jumys isteýin talap ete almaidy. Eger qazaq tiliniń joqtyǵyna bailanysty servisti elde jaýyp tastasa, turǵyndar narazy bolýy múmkin.
– Bul – naryq. Sondyqtan osy satyda qazir Amerikaǵa barmai-aq qoiaiyq, janymyzdaǵy servister – 2GIS, Iandeks bolsyn, solarǵa shyǵyp, osyndai talaptardy qoiyp jatyrmyz. «Bizdiń ekonomikada jumys istegińiz kelse, onda qazaq tilin engizesiz» degen talap qoiamyz. Sondai usynystardy talqylaýdamyz, – dedi ministr.
