Sońǵy kezderi basynan daýy arylmaǵan Atyraý oblystyq orman sharýashylyǵy ınspeksıasynyń basshysy Murat Ermekqalıev aqyry qyzmetten ketip tyndy. Osy ýaqytqa deıin qanshama kemshilikke jol berse de, ornynan myzǵymaǵan basshynyń óz erkimen aryz jazýyna jaqynda Reseıge kedergisiz ótip ketken 4 tonna balyq sebep bolǵan.

Jaqynda qaramaǵyndaǵylarǵa sońǵy jınalysyn ótkizgen Murat Ermekqalıevtiń aıtýynsha, sońǵy kezderi ózi basqaratyn mekemeniń jumysy men tikeleı ózine aıtylatyn syn-eskertpe tym jıilep ketken.

Qyzmetimdi qaltqysyz atqara almadym degen basshy onyń sebepterin de tizbelep berdi. Mysaly, jaqynda qyzmetkerleriniń biri mas kúıinde kólik júrgizip kele jatyp, endi biri 30 keli qyzyl balyq jáne qara ýyldyryqpen qolǵa túsipti.

Al bir apta buryn Atyraý arqyly yń-shyńsyz ótip, Reseı jerinde ustalǵan 4 tonna bekireden soń jumys isteý tipti uıat deıdi. Sol sebepti óz erkimen jumystan ketý týraly aryz jazǵan. Aıta keteıik, Murat Ermekqalıev bul qyzmetti 2014-shi jyldyń qazanynan beri atqaryp keldi.

Atyraý oblystyq aýmaqtyq orman sharýashylyǵy jáne janýarlar dúnıesi  ınspeksıasynyń endigi eks-basshysy Murat Ermekqalıev:

- Ózim basqaratyn ınspeksıanyń qazirgi jaǵdaıyn eskere otyryp jáne Qurmanǵazy aýdanyndaǵy «Aqsý-Qıǵash» jaýapkershiligi shekteýli seriktestigindegi lımıtke qatysty oqıǵalardan soń jumystan ketemin dep sheshtim. Bular men jol bergen kemshilikten, qatelikten boldy dep bilemin.

 

Derekkózi: ktk.kz