"بۇدان ارى جۇمىس ٸستەۋ ۇيات". شەنەۋنٸك ٶز قاتەلٸگٸن مويىندادى.
جاقىندا قاراماعىنداعىلارعا سوڭعى جينالىسىن ٶتكٸزگەن مۇرات ەرمەكقاليەۆتٸڭ ايتۋىنشا, سوڭعى كەزدەرٸ ٶزٸ باسقاراتىن مەكەمەنٸڭ جۇمىسى مەن تٸكەلەي ٶزٸنە ايتىلاتىن سىن-ەسكەرتپە تىم جيٸلەپ كەتكەن.
قىزمەتٸمدٸ قالتقىسىز اتقارا المادىم دەگەن باسشى ونىڭ سەبەپتەرٸن دە تٸزبەلەپ بەردٸ. مىسالى, جاقىندا قىزمەتكەرلەرٸنٸڭ بٸرٸ ماس كٷيٸندە كٶلٸك جٷرگٸزٸپ كەلە جاتىپ, ەندٸ بٸرٸ 30 كەلٸ قىزىل بالىق جەنە قارا ۋىلدىرىقپەن قولعا تٷسٸپتٸ.
ال بٸر اپتا بۇرىن اتىراۋ ارقىلى ىڭ-شىڭسىز ٶتٸپ, رەسەي جەرٸندە ۇستالعان 4 توننا بەكٸرەدەن سوڭ جۇمىس ٸستەۋ تٸپتٸ ۇيات دەيدٸ. سول سەبەپتٸ ٶز ەركٸمەن جۇمىستان كەتۋ تۋرالى ارىز جازعان. ايتا كەتەيٸك, مۇرات ەرمەكقاليەۆ بۇل قىزمەتتٸ 2014-شٸ جىلدىڭ قازانىنان بەرٸ اتقارىپ كەلدٸ.
اتىراۋ وبلىستىق اۋماقتىق ورمان شارۋاشىلىعى جەنە جانۋارلار دٷنيەسٸ ينسپەكتسيياسىنىڭ ەندٸگٸ ەكس-باسشىسى مۇرات ەرمەكقاليەۆ:
- ٶزٸم باسقاراتىن ينسپەكتسييانىڭ قازٸرگٸ جاعدايىن ەسكەرە وتىرىپ جەنە قۇرمانعازى اۋدانىنداعى «اقسۋ-قيعاش» جاۋاپكەرشٸلٸگٸ شەكتەۋلٸ سەرٸكتەستٸگٸندەگٸ ليميتكە قاتىستى وقيعالاردان سوڭ جۇمىستان كەتەمٸن دەپ شەشتٸم. بۇلار مەن جول بەرگەن كەمشٸلٸكتەن, قاتەلٸكتەن بولدى دەپ بٸلەمٸن.
دەرەككٶزٸ: ktk.kz
