Reseilik telejúrgizýshi Tina Kandelaki Qazaqstan men Ulybritaniia arasyndaǵy áskeri áriptestikke qatysty pikir bildirip, bul qadam Máskeýge dostyqtyń belgisi emes ekenin ashyq aitty, dep habarlaidy Dalanews.kz.
Kandelaki Astana men London arasyndaǵy áskeri kelisimge 6 maýsym, juma kúni qol qoiylǵanyn erekshe atap ótti.
"Eger bir jańalyqtyń jurt nazaryna ilikpegenin qalasań, ony juma kúni keshke jariiala", – dedi ol.
Onyń aitýynsha, kelesi jeksenbide qorǵanys ministriniń qyzmetten bosatylýy "bul kelisimdi jasyrý áreketiniń bir dáleli" bolýy múmkin. Sonymen birge, demalys kúnderi atalǵan jańalyq Qazaqstan Qorǵanys ministrliginiń saitynan alynyp tastalǵanyn da atap ótti.
"Reseidiń basty jaýlary tiziminde turǵan elmen áskeri áriptestik ornatý – bul temirjol stantsiialaryn qaita ataýdan áldeqaida mańyzdy. Byltyr dál sol stantsiia ataýlary úshin meni Qazaqstannyń №1 jaýy dep jariialaǵan edi.
Onyń ústine Qazaqstan – UQShU múshesi. Bul áskeri odaq 2021 jylǵy qańtarda prezident Toqaev pen onyń ainalasyn áskeri tóńkeristen qutqarǵan. Vengriia nemese Slovakiia EO-nyń syrtqy saiasatyna kelispegen kúnniń ózinde Reseimen áskeri kelisimge bara qoimas edi. Al Reseige dostyq tanytyp júrgen Qazaqstan Britaniiamen ashyq áskeri áriptestik ornatyp otyr. Bulai bastaǵandardyń sońy jaqsy bolmaǵan. Qazaqstanda, sirá, tarih oqytylmaidy. Bálkim, tek oidan shyǵarylatyn bolar", – dep qosty Kandelaki.
Aita keteiik, 6 maýsymda Qazaqstan men Ulybritaniianyń qorǵanys vedomstvolary arasynda áskeri yntymaqtastyq josparyna qol qoiylǵany habarlandy. Qujatta kórsetilgen basty baǵyttar – bitimgerlik qyzmet, tildik daiyndyq jáne qazaqstandyq áskeri qyzmetshilerdi Ulybritaniianyń joǵary áskeri oqý oryndarynda oqytý.
Eske salaiyq, Kandelaki buǵan deiin Qyrǵyzstan men Qazaqstanǵa "tiisken" bolatyn. Ol eki elde orys tili shettetilip jatqanyn aityp, artynsha jazbasyn óshirip tastaǵan bolatyn.
Tina Kandelaki óziniń Telegram-arnasynda “Qazaqstanda orys tili aqyryn yǵystyrylyp jatqanyn” aityp, jazba jariialaǵan bolatyn. Munda ol qazaqtardy “máńgúrtke” teńegen edi.
Osy tusta ashýǵa býlyqqan qazaqstandyqtar Tina Kandelakige tiesili kompaniia ónimin saittan alyp tastaýdy talap etip, ony satyp almaýǵa shaqyrdy.Nátijesinde reseilik telejúrgizýshiniń kásibine elimizdegi arnaiy saýda alańdarynda shekteý qoiyldy.
Artynsha Tina Kandelakidiń biznesi Qazaqstanda toqtap qaldy. “Zolotoe iabloko” saýda jelisiniń Qazaqstandaǵy onlain-katalogynan Tina Kandelakige tiesili “Ansaligy” kosmetika brendiniń ónimderi joǵalyp ketti. Ony Kandelaki "innovatsiialyq" dep atap kelgen.
Sonymen qatar, Kandelakidiń sózinshe, Qyrǵyzstan biligi bir jyldan beri Bishkektegi tórt aýdannyń atyn ózgertý boiynsha jumystar júrgizip jatyr eken.
"Bishkektegi aýdandarda KSRO kezinen saqtalǵan oryssha keremet ataýlarmen atalǵan: Pervomaiskii, Oktiabrskii, Leninskii, Sverdlovskii. Qyrǵyzstandyq depýtattar bul (aýdan ataýlaryn ózgertý) "ulttyq ideologiiany nyǵaitý, sondai-aq, tarihi dástúrler men qundylyqtar negizinde azamattardyń rýhani-adamgershilik tárbiesin jaqsartý maqsatynda" dep usynyp otyr. Qyrǵyzstan halqynyń kóbi qyrǵyz tilinde emes, orys tilinde sóilese, qaidaǵy ideologiia?! Bárin qiyndatýdyń ne qajeti bar?" - deidi Tina Kandelaki jazbasynda.
Telejúrgizýshi jazbasynda dál osylai Ýkrainada dekommýnizatsiia bastalǵanyn, ol búkil orys tilinen bas tartý kompaniiasyna ainalǵanyn aitady.
Biraq Tina Kandelaki bul jazbasyn óshirip tastaǵan.
Artynsha Tina Kandelakige Qazaqstanǵa kirýge tyiym salyndy. Reseilik telejúrgizýshi jáne «Gazprom-media» bas direktorynyń orynbasary Tina Kandelaki Eýroodaq sanktsiialaryna ilikti. Onymen birge sanktsiialyq tizimge ánshi Larisa Dolina da engizildi.
«Kommersant» habarlaýynsha, olar sanktsiia salynǵan 16 reseiliktiń qatarynda. Bul sheshim Eýropalyq keńes bekitken 15-shi shekteý paketi aiasynda qabyldandy.
Sanktsiialar boiynsha EO elderine kirýge jáne olardyń aýmaǵynda júrýge tyiym salynady. Sonymen qatar, eýropalyq bankterdegi shottary buǵattalady jáne kez kelgen qarjylyq operatsiialarǵa tyiym salynady.
