Álemdik naryqta Brent markaly munaidyń baǵasy barreline 100,7 dollarǵa deiin kóterildi. Bul bir táýlikte 7%-ǵa óskenin bildiredi, dep habarlaidy dalanews.kz.
Baǵanyń kúrt qymbattaýyna Qyzyl teńizdegi munai tankerlerine jasalǵan shabýyldar jáne Parsy shyǵanaǵynan munai jetkiziliminiń turaqtylyǵyna qatysty alańdaýshylyqtyń kúsheiýi sebep boldy.
Goldman Sachs sarapshylary eger Ormýz buǵazy arqyly keme qatynasy 2027 jyldyń sońyna deiin qiyn kúiinde qalsa, Brent munaiynyń baǵasy 2026 jyldyń tórtinshi toqsanynda barreline 120 dollardan da joǵary bolýy múmkin dep boljaidy. Sonymen qatar investitsiialyq bank kelesi jyly munaidyń ortasha baǵasy 100 dollar deńgeiinde qalyptasady degen boljam jasap otyr.
Al Qazaqstan Ulttyq banki júrgizgen saýalnamaǵa qatysqan sarapshylardyń baǵalaýynsha, 2026 jyly Brent munaiynyń ortasha baǵasy barreline 84,6 dollardy quraidy. Al 2027 jyly – 75 dollar, 2028 jyly – 71,8 dollar bolady dep kútiledi.
