ەلەمدٸك نارىقتا Brent ماركالى مۇنايدىڭ باعاسى باررەلٸنە 100,7 دوللارعا دەيٸن كٶتەرٸلدٸ. بۇل بٸر تەۋلٸكتە 7%-عا ٶسكەنٸن بٸلدٸرەدٸ, دەپ حابارلايدى dalanews.kz.
باعانىڭ كٷرت قىمباتتاۋىنا قىزىل تەڭٸزدەگٸ مۇناي تانكەرلەرٸنە جاسالعان شابۋىلدار جەنە پارسى شىعاناعىنان مۇناي جەتكٸزٸلٸمٸنٸڭ تۇراقتىلىعىنا قاتىستى الاڭداۋشىلىقتىڭ كٷشەيۋٸ سەبەپ بولدى.
Goldman Sachs ساراپشىلارى ەگەر ورمۋز بۇعازى ارقىلى كەمە قاتىناسى 2027 جىلدىڭ سوڭىنا دەيٸن قيىن كٷيٸندە قالسا, Brent مۇنايىنىڭ باعاسى 2026 جىلدىڭ تٶرتٸنشٸ توقسانىندا باررەلٸنە 120 دوللاردان دا جوعارى بولۋى مٷمكٸن دەپ بولجايدى. سونىمەن قاتار ينۆەستيتسييالىق بانك كەلەسٸ جىلى مۇنايدىڭ ورتاشا باعاسى 100 دوللار دەڭگەيٸندە قالىپتاسادى دەگەن بولجام جاساپ وتىر.
ال قازاقستان ۇلتتىق بانكٸ جٷرگٸزگەن ساۋالناماعا قاتىسقان ساراپشىلاردىڭ باعالاۋىنشا, 2026 جىلى Brent مۇنايىنىڭ ورتاشا باعاسى باررەلٸنە 84,6 دوللاردى قۇرايدى. ال 2027 جىلى – 75 دوللار, 2028 جىلى – 71,8 دوللار بولادى دەپ كٷتٸلەدٸ.
