Eńbek jáne áleýmettik qorǵaý vitse-ministri Viktoriia Shegai Batys Qazaqstan oblysynda bolǵan qaiǵyly jaǵdai saldarynan kóz jumǵan bir úidiń 5 balasyna memleket tarapynan 134 myń teńge járdemaqy berilip kelgenin aitty, dep habarlaidy Dalanews.kz.
Aita ketsek, 4 maýsymda Batys Qazaqstan oblysy, Syrym aýdany, Jympity aýylynda jer úi órtenip, bir úidiń 5 balasy kóz jumǵan bolatyn.
"BQO-da órt kezinde bes balasynan aiyrylyp qalǵan otbasy buǵan deiin memleket tarapynan kópbalaly ana retinde jáne 1,5 jasqa deiingi bala járdemaqysyn alyp kelgen. Járdemaqylardyń ai saiynǵy jalpy kólemi 134 myń teńgeni quraidy. Búginderi bul otbasyǵa jergilikti atqarýshy organ jáne qaiyrymdylyq tanytýshylar tarapynan kómekter kórsetilýde. Balasynan aiyrylyp qalý jaǵdaiyna bailanysty anaǵa zańnama boiynsha respýblikalyq biýdjetten járdemaqy qarastyrylmaǵan", - dedi vitse-ministr.
Qazaqstanda kópshilik kópbalaly otbasyǵa memleket tarapynan beriletin járdemaqy kólemine narazy. Óitkeni BQO-da bolǵan qaiǵyly jaǵdai - elimizde oryn alǵan birinshisi emes. Aqsha jetpegendikten, bizde kóp balany úige qamap ata-ana úidiń betin kórmei isteýge májbúr ekeni, aqiqat.
