Memleket basshysy Qasym-Jomart Toqaevtyń III Ulttyq Quryltaida berilgen tarihi sana qalyptastyrý baǵytyndaǵy tapsyrmalary aiasynda Batys Qazaqstan oblysynda «Túrki álemi: rýhani-mádeni yntymaqtastyqtyń jańa kezeńi» atty halyqaralyq ǵylymi-teoriialyq konferentsiia ótti, – dep habarlaidy Dalanews.kz BQO ákiminiń baspasóz qyzmetine silteme jasap.
Konferentsiianyń negizgi maqsaty – túbi túrki halyqtardyń arasynda rýhani-mádeni yntymaqtastyqtyń jańa kezeńi aiasynda integratsiialyq protsessterdi kúsheitý, ekonomikalyq bailanys ornatý, álemdik órkeniettiń damýyna túrki áleminiń óz úlesin qosý.
Is-shara barysynda Batys Qazaqstan oblysy ákiminiń orynbasary B.Narymbetov alǵy sózinde shet elderden kelgen qonaqtarǵa jyly lebizin jetkizip, konferentsiianyń taqyrybynyń mańyzdylyǵyn kelesi oimen bildirdi:
«Memleket basshysy Qasym - Jomart Kemeluly Toqaev túrki álemin HHI ǵasyrdyń asa mańyzdy ekonomikalyq, mádeni jáne gýmanitarlyq óńirleriniń birine ainaldyrýdy kózdeitinimizdi 2023 jyly Astana qalasynda ótken Túrki Memleketeriniń Uiymynyń X Sammitinde atap ótip, «túrki álemi» - degen uǵymdy brendke ainaldyrýdy tapsyrǵany barshamyzǵa málim. Túrli elder men óńirlerdi meken etken 175 million túrkiniń taǵdyry myqty mádeni biregeiliginiń arqasynda tarih tolqynynda adaspai, jahandaný zamanynda alǵa qadam basýǵa múmkindik aldy. TÚRIKPA, TÚRKSOI, Túrki akademiiasy men Halyqaralyq túrki mádenieti men murasy qorynyń qajyrly eńbegi Túrki keńesin bedeldi uiymǵa, «túrki álemi» uǵymyn kópshilik moiyndaǵan halyqaralyq diskýrsqa ainalsa, qazyrǵy tanda túrki álemi rýhani-mádeni yntymaqtastyǵynyń jańa kezeńi bastaldy desek bolady».
Is-sharaǵa Almaty qalasynan filologiia ǵylymdarynyń doktory, professor, Halyqaralyq «Qazaq tili» akademiiasy men Halyqaralyq túrkitaný ortalyǵynyń Prezidenti Erden Qajybek, Qyrǵyz Respýblikasy Ulttyq Ǵylym akademiiasynyń Dástúrli mádeniet ortalyǵynyń meńgerýshisi, pofessor Qadyráli Qonqabaev, Ózbekstan Respýblikasynyń Qaraqalpaqstannyń aýyl sharýashylyǵy jáne agrotehnologiia institýtynyń gýmanitarlyq pánder kafedrasynyń dotsenti, tarih ǵylymdarynyń kandidaty Bahadyr Bekimbetov, Bashqurtstan Respýblikasynyń Ǵylym akademiiasynyń bas ǵylymi qyzmetkeri, professor, filologiia ǵylymdarynyń doktory Lýiza Samsitova, Atyraý qalasynan Halel Dosmuhamedov atyndaǵy Atyraý ýniversiteti, «Hismet Bozanuly Tabyldiev atyndaǵy Kaspii óńiriniń tarihy, arheologiiasy jáne etnologiiasy» ǵylymi-zertteý institýty, «Jazbasha jáne arheologiialyq eskertkishterdi zerdeleý» ǵylymi-zertteý ortalyǵynyń jetekshisi Saipolla Mollaqanaǵatuly syndy ǵalymdar qatysty.
Konferentsiianyń plenarlyq otyrysy barysynda keleli oilar men túrki mádenietine qatysty jańa zertteýler nátijeleri baiandalyp, «...túrkiler meken qylǵan bir qiiany men bir qiiany ushqan qustyń qanatyn taldyratyn Uly Dala-Eýraziia 4 million sharshy shaqyrymnan astam aýmaqtan asady, túrkitildes halyqtardyń qai-qaisysynyń da geosaiasatta bolsyn, álemdik ekonomikada bolsyn, ózindik orny bar, geografiialyq ornalasýlary jaǵynan Batys pen Shyǵysty, Ońtústik pen Soltústikti jalǵastyrar tranzittik mańyzǵa ie, osyndai artyqshylyqtar túrki áleminiń halyqaralyq arenadaǵy ornynyń basymdyqqa ie ekenine aiǵaq» - degen oilar aityldy.
