Búgin Oral qalasynda qorshaǵan ortanyń jai-kúiin jaqsartýǵa jáne aýmaqtardy abattandyrýǵa baǵyttalǵan «Taza Qazaqstan» ekologiialyq aktsiiasy ótti. Aktsiia Ǵabdolla Toqaiǵa arnalǵan eskertkishtiń mańynda ótkizilip, is-sharaǵa eriktiler, stýdentter, túrli uiym ókilderi, jalpy 70-ke jýyq adam qatysty, dep habarlaidy Dalanews.kz
«Taza Qazaqstan» ekologiialyq bastamasy — bul jai ǵana tazalaý emes, salaýatty ekologiialyq sanany qalyptastyrýǵa jasalǵan qadam. Uiymdastyrylǵan qaiyrymdylyq bastamaǵa úkimettik emes uiymdardyń ókilderi, eriktiler, qoǵam belsendileri men jastar belsendileri qatysty. Osy sátti paidalana otyryp, qala turǵyndaryn, jastardy osyndai aktsiialarǵa qatysýǵa shaqyramyz, óitkeni bizdiń qolymyzda qalanyń gúldenýi men abattandyrylýy bar», - dep atap ótti Oral qalalyq jastarmen jumys jónindegi resýrstyq ortalyqtyń basshysy Dýlat Júsipqaliev.
Aǵymdaǵy jyly sanitarlyq jumystarǵa 8154 astam turǵyn jáne 782 mekeme men kásiporyn qatysty. Aktsiia aiasynda 4893 aýla, onyń ishinde 233 kópqabatty úidiń aýmaǵy jáne 4660 jeke turǵyn úidiń aýmaǵy jinaldy.
Sondai-aq, 120 saiabaq pen skverdi abattandyrý jumystary júrgizildi, 263 myńnan astam aǵash kóshetteri, 31 buta otyrǵyzyldy, 7 astam trotýar plitalary jóndeldi. 375 áleýmettik nysannyń aýmaǵy men 63 tarihi-mádeni eskertkishtiń aýmaǵy tazartyldy.
Ekologiialyq is-sharalardy ótkizý úshin 634 birlik tehnika jumyldyryldy, sonyń arqasynda 1139 tonna qoqys shyǵaryldy. Budan basqa, "Ǵarysh sapary"AQ anyqtaǵan 192 zańsyz qoqys úiindileriniń 158-i joiylyp, qalǵan 34 qoqys úiindisin joiý jumystary jalǵasýda.
