Memleket basshysy sý tasqynynan zardap shekken turǵyndarǵa tıisti kómek kórsetýdi tapsyrǵan bolatyn. Oral qalasynda sý tasqyny saldarynan jalǵyz baspanasy jaramsyz dep tanylǵan 52 saıajaı turǵyny baspanaly boldy. Jańa páterler demeýshiler qarjysyna alyndy, – dep habarlaıdy Dalanews.kz BQO ákiminiń baspasóz qyzmetine silteme jasap.

Úkimet basshysynyń tapsyrmasyna sáıkes, qarjylyq uıymdar men demeýshiler óńirdegi zardap shekken turǵyndarǵa qol ushyn sozyp, kómegin berýde.

Batys Qazaqstandyq Rızabek Aıtqalıevtyń saıajaıdaǵy jalǵyz baspanasy sýǵa ketip, jaramsyz dep tanylǵan.  Búgin ol jańa páterine kirip, memlekettiń qoldaýyna alǵysyn bildirdi.

– Jubaıymyz ekeýmiz 2-shi saıajaı ýchaskesinde turdyq. Sý tasqyny kezinde jalǵyz úıimiz sýǵa ketti. Memleket bizdi dalada qaldyrmady. Búgin mine jańa páterge qonystanyp otyrmyz. Prezıdentimizge raqmet, – dedi Rızabek Aıtqalıev.

Jańa qonys ıeleriniń biri – Eralıeva Rıta. Bul januıanyń da qýanyshynda shek joq.

– Qıyn kúnder artta qaldy. Jaqsylyqtan úmitimizdi úzbedik. Memleket tarapynan jasalǵan qoldaý bizge demeý boldy, – dedi ol.

Osylaısha Oral qalasynda jalǵyz baspanasy bolyp esepteletin, úıleri apatty dep tanylǵan saıajaı turǵyndaryna aldaǵy ýaqytta jańa úıler satyp alý jáne salý boıynsha jumystar júrgizilýde.