BQO-da órtten bes bala kóz jumdy,- dep habarlaıdy Dalanews.kz.
Batys Qazaqstan oblysy Tótenshe jaǵdaılar departamentiniń 112 púltine Syrym aýdany Jympıty aýylynda Saǵyrbaev kóshesinde jeke turǵyn úı órtenip jatqany týraly habarlama túsken.
"Órtsóndirýshiler oqıǵa ornyna qońyraý túskennen keıin 5 mınýttan soń jetti. 30 sharshy metr aýmaqta zattar men jıhaz janyp jatqan. Qutqarýshylar bes balany es-tússiz kúıde tapty. Ókinishke qaraı, balalar aýrýhanada qaıtys boldy", - dedi TJD ókilderi.
Órt tolyq aýyzdyqtalǵan.
"Jergilikti jerde BQO TJD kúshteri men quraldary jumys istep jatyr. Oqıǵa ornyna TJD basshylyǵy, zertteý-synaq órt zerthanasy, anyqtaý bólimi jáne TJ departamentiniń psıhology shyqty", - dep jazylǵan habarlamada.
