بقو-دا ٶرتتەن بەس بالا كٶز جۇمدى,- دەپ حابارلايدى Dalanews.kz.
باتىس قازاقستان وبلىسى تٶتەنشە جاعدايلار دەپارتامەنتٸنٸڭ 112 پۋلتٸنە سىرىم اۋدانى جىمپيتى اۋىلىندا ساعىرباەۆ كٶشەسٸندە جەكە تۇرعىن ٷي ٶرتەنٸپ جاتقانى تۋرالى حابارلاما تٷسكەن.
"ٶرتسٶندٸرۋشٸلەر وقيعا ورنىنا قوڭىراۋ تٷسكەننەن كەيٸن 5 مينۋتتان سوڭ جەتتٸ. 30 شارشى مەتر اۋماقتا زاتتار مەن جيھاز جانىپ جاتقان. قۇتقارۋشىلار بەس بالانى ەس-تٷسسٸز كٷيدە تاپتى. ٶكٸنٸشكە قاراي, بالالار اۋرۋحانادا قايتىس بولدى", - دەدٸ تجد ٶكٸلدەرٸ.
ٶرت تولىق اۋىزدىقتالعان.
"جەرگٸلٸكتٸ جەردە بقو تجد كٷشتەرٸ مەن قۇرالدارى جۇمىس ٸستەپ جاتىر. وقيعا ورنىنا تجد باسشىلىعى, زەرتتەۋ-سىناق ٶرت زەرتحاناسى, انىقتاۋ بٶلٸمٸ جەنە تج دەپارتامەنتٸنٸڭ پسيحولوگى شىقتى", - دەپ جازىلعان حابارلامادا.
