Batys Qazaqstan oblysy Jánibek aýdany prokýratýrasy búdjet zańnamasynyń saqtalýyn taldaý barysynda Jánibek aýdandyq sáýlet, qala qurylysy jáne qurylys bóliminiń basshysy qyzmettik ókilettigin asyra paıdalanǵanyn anyqtady, dep habarlaıdy Dalanews.kz.
Ol qoldanylyp júrgen tártiptik jaza bola tura, ózine zańsyz túrde 766 510 teńge kóleminde syıaqy taǵaıyndaǵany belgili boldy.
Atalǵan derek boıynsha aýdan prokýratýrasy 2025 jyldyń 17 naýryzynda Batys-Qazaqstan oblysy boıynsha memlekettik qyzmet isteri Agenttigi Departamentiniń tártiptik keńesine qadaǵalaý aktisin engizdi.
Usynysty qaraý nátıjeleri boıynsha, tártiptik keńestik usynymyna sáıkes, Jánibek aýdany ákiminiń ókimimen Jánibek aýdandyq sáýlet, qala qurylysy jáne qurylys bóliminiń basshysy memlekettik qyzmettiń bedelin túsiretin tártiptik teris qylyq jasaǵany úshin memlekettik laýazymynan bosatyldy, Qazaqstan Respýblıkasynyń «Qazaqstan Respýblıkasynyń memlekettik qyzmeti týraly» Zańynyń 44-babynyń 3-tarmaǵyna sáıkes.
Memleketke keltirilgen zalal tolyq kólemde óteldi.
