باتىس قازاقستان وبلىسى جانىبەك اۋدانى پروكۋراتۋراسى بيۋدجەت زاڭناماسىنىڭ ساقتالۋىن تالداۋ بارىسىندا جانىبەك اۋداندىق ساۋلەت، قالا قۇرىلىسى جانە قۇرىلىس ءبولىمىنىڭ باسشىسى قىزمەتتىك وكىلەتتىگىن اسىرا پايدالانعانىن انىقتادى، دەپ حابارلايدى Dalanews.kz.
ول قولدانىلىپ جۇرگەن تارتىپتىك جازا بولا تۇرا، وزىنە زاڭسىز تۇردە 766 510 تەڭگە كولەمىندە سىياقى تاعايىنداعانى بەلگىلى بولدى.
اتالعان دەرەك بويىنشا اۋدان پروكۋراتۋراسى 2025 جىلدىڭ 17 ناۋرىزىندا باتىس-قازاقستان وبلىسى بويىنشا مەملەكەتتىك قىزمەت ىستەرى اگەنتتىگى دەپارتامەنتىنىڭ تارتىپتىك كەڭەسىنە قاداعالاۋ اكتىسىن ەنگىزدى.
ۇسىنىستى قاراۋ ناتيجەلەرى بويىنشا، تارتىپتىك كەڭەستىك ۇسىنىمىنا سايكەس، جانىبەك اۋدانى اكىمىنىڭ وكىمىمەن جانىبەك اۋداندىق ساۋلەت، قالا قۇرىلىسى جانە قۇرىلىس ءبولىمىنىڭ باسشىسى مەملەكەتتىك قىزمەتتىڭ بەدەلىن تۇسىرەتىن تارتىپتىك تەرىس قىلىق جاساعانى ءۇشىن مەملەكەتتىك لاۋازىمىنان بوساتىلدى، قازاقستان رەسپۋبليكاسىنىڭ «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭىنىڭ 44-بابىنىڭ 3-تارماعىنا سايكەس.
مەملەكەتكە كەلتىرىلگەن زالال تولىق كولەمدە وتەلدى.
