Batys Qazaqstan oblysynda kúıeýimen múlikti bóliskisi kelmegen áıel ony kıloer jaldap óltirmek bolǵan, - dep habarlaıdy Dalanews.kz.
Polısıa málimetinshe, qylmysty uıymdastyrdy degen kúdikpen BQO-nyń eki turǵyny ustaldy. Qylmysqa tapsyrys berýshi kúıeýimen múlikti bóliskisi kelmeıtin áıel ekeni anyqtaldy.
Kúdiktilerden olardyń kinásin rastaıtyn zattaı dáleldemeler tárkilendi. Tergeý málimetteri boıynsha, qarýdy satyp alý jáne kisi óltirýdi oryndaý úshin tapsyrys berýshi uıymdastyrýshyǵa 1,3 mln teńge bergen.
Kúdiktiler ustaldy, sottyń sanksıasymen olarǵa qatysty "qamaýda ustaý" bultartpaý sharasy tańdaldy. Qylmystyq is kisi óltirýge oqtalý faktisi boıynsha tergelip jatyr. Kúdiktiler 20 jylǵa deıin bas bostandyǵynan aıyrylýy múmkin. Qazir jábirlenýshiniń ómirine eshqandaı qaýip joq. Tergeý múddesi úshin ózge málimetter jarıa etilmeıdi.
