باتىس قازاقستان وبلىسىندا كۇيەۋىمەن مۇلىكتى بولىسكىسى كەلمەگەن ايەل ونى كيلوەر جالداپ ولتىرمەك بولعان، - دەپ حابارلايدى Dalanews.kz.
پوليسيا مالىمەتىنشە، قىلمىستى ۇيىمداستىردى دەگەن كۇدىكپەن بقو-نىڭ ەكى تۇرعىنى ۇستالدى. قىلمىسقا تاپسىرىس بەرۋشى كۇيەۋىمەن مۇلىكتى بولىسكىسى كەلمەيتىن ايەل ەكەنى انىقتالدى.
كۇدىكتىلەردەن ولاردىڭ كىناسىن راستايتىن زاتتاي دالەلدەمەلەر تاركىلەندى. تەرگەۋ مالىمەتتەرى بويىنشا، قارۋدى ساتىپ الۋ جانە كىسى ءولتىرۋدى ورىنداۋ ءۇشىن تاپسىرىس بەرۋشى ۇيىمداستىرۋشىعا 1،3 ملن تەڭگە بەرگەن.
كۇدىكتىلەر ۇستالدى، سوتتىڭ سانكسياسىمەن ولارعا قاتىستى "قاماۋدا ۇستاۋ" بۇلتارتپاۋ شاراسى تاڭدالدى. قىلمىستىق ءىس كىسى ولتىرۋگە وقتالۋ فاكتىسى بويىنشا تەرگەلىپ جاتىر. كۇدىكتىلەر 20 جىلعا دەيىن باس بوستاندىعىنان ايىرىلۋى مۇمكىن. ءقازىر جابىرلەنۋشىنىڭ ومىرىنە ەشقانداي ءقاۋىپ جوق. تەرگەۋ مۇددەسى ءۇشىن وزگە مالىمەتتەر جاريا ەتىلمەيدى.
