Batys Qazaqstan oblysynda sý tasqynynan zardap shekken 9 myńǵa jýyq otbasyǵa áleýmettik kómek berildi, dep habarlaidy Dalanews.kz. BQO ákimdiginiń baspasóz qyzmetine silteme jasap.
Batys Qazaqstan oblysynda búgingi kúnge deiin sý tasqynynan zardap shekken 8882 otbasyǵa 100 ailyq eseptik kórsetkish kóleminde 3,2 mlrd teńge birjolǵy áleýmettik kómek berildi. Budan bólek, turǵyndarynyń shyǵynyn esepteý jónindegi komissiia qorytyndysy boiynsha turǵyn úilerin jóndeýge 253 otbasyǵa 422 mln teńge qarjy tólendi. Aldaǵy ýaqytta turǵyndardan túsken ótinishter negizinde tólemderdi berý jalǵasýda.
Budan bólek, sý tasqynynan zardap shekken turǵyndarǵa Bórli aýdanynda 58 úi, Terekti aýdanynda 5 úi satyp alynady.
Oblys ákimi Nariman Tóreǵalievtiń tapsyrmasy aiasynda Oral qalasynda sý tasqynynan zardap shekken saiajai turǵyndarynyń shyǵynyn esepteý jáne materialdyq kómek tóleý jónindegi komissiia shtattyq rejimde jumys isteýde.
Qazirgi ýaqytta Oral qalasyndaǵy saiajai turǵyndarynyń shyǵynyn esepteý boiynsha jumystar júrgizilýde.
Sondai-aq, Batys Qazaqstanda sý tasqyny saldarynan zardap shekken Qaratóbe, Syrym, Bórli, Báiterek, Terekti aýdandarynyń turǵyndary úshin salynatyn 395 úidiń 377-siniń qurylysy júrip jatyr.
